15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ՌԴ «Ռուսական երկաթուղիներ»-ը պատրաստվում է վաղաժամ դադարեցնել Հայաստանի երկաթուղու սպասարկումը
Քաղաքականություն
20.09.2019 | 18:20
«Ռուսական երկաթուղիներ» պետական ընկերությունը պատրաստվում է խզել Հայաստանի իշխանությունների հետ համաձայնագիրը՝ հավաստիացնելով, որ նրանք արգելափակում են իր դուստր ձեռնարկության՝ «Հարավկովկասյան երկաթուղիներ»-ի աշխատանքը, որը ղեկավարում է հայկական երկաթուղիները: Այդ մասին հաղորդում է RTVI-ն հղում անելով իր աղբյուրին, որը ծանոթ է Ռուսաստանի և Հայաստանի միջև բանակցությունների ընթացքին:
«Ռուսական երկաթուղիներ»-ի հարաբերությունները ՀՀ իշխանությունների հետ սրվել են խուզարկումների ու քրեական գործերի պատճառով, որոնք Երևանը հարուցել է «Հարավկովկասյան երկաթուղիներ»-ի դեմ:
2018 թվականի օգոստոսին ընկերության գրասենյակում խուզարկումներ են անցկացվել 19 000 դոլարի չափով հարկեր չվճարելու կասկածանքով: Ընկերությունում նշել են, որ ուժայիններն առգրավել են իրենց փաստաթղթերը: Իսկ վարչապետ Փաշինյանն այս ժամանակ ասել է, որ ընկերությունում իրավաբանական գործողություններ են կատարվում ու կոչ արել ողբերգություն չսարքել:
Դեկտեմբերին ՀՀ քննչական կոմիտեից հայտնել էին, որ հետաքննում են «Հարավկովկասյան երկաթուղիներ»-ի՝ վերջին 10 տարվա գործունեությունը՝ 226,8 մլն դոլարի ներդրումների արդյունավետությունը ստուգելով:
Ընկերությունում ֆինանսական մեղադրանքներն անհիմն են համարում:
