27.09.2026 | 18:11
Հրդեհ Ծիծեռնակաբերդի խճուղում․ դեպքի վայր է մեկնել 6 մարտական հաշվարկ
«ԱՄՆ-ն Թուրքիայի դեմ պատժամիջոցներ կիրառելու մտադրություն չունի». Reuters
Քաղաքականություն
20.09.2019 | 16:02
Հանրահայտ «Reuters» լրատվական գործակալությունն անդրադարձել է այս պահին ԱՄՆ-ի կողմից Թուրքիայի դեմ պատժամիջոցներ կիրառելու հավանականությանը. գրում է ermenihaber-ը:
«Ռուսական S-400 ՀՕՊ համակարգերը գնելու համար ԱՄՆ-ն Թուրքիայի դեմ պատժամիջոցներ կիրառելու մտադրություն չունի»,- ըստ թուրքական լրատվամիջոցների՝ գրել է բրիտանական գործակալությունը: Հոդվածում հղում է արվել նաև մի անանուն թուրք բարձրաստիճան պաշտոնյայի, ով ասել է, որ այնպիսի տպավորություն չունի, թե ԱՄՆ-ն ցանկանում է Թուրքիայի դեմ պատժամիջոցներ կիրառել:
«Թրամփը հասկացել է, թե ինչու ենք մենք ստիպված եղել (նկատի ունի, որ Օբամայի օրոք ԱՄՆ ղեկավարությունը հրաժարվել է Թուրքիային վաճառել ամերիկյան «Patriot» ՀՕՊ համակարգերը-խմբ.) գնել ռուսական S-400-ները»,- ասել է թուրք բարձրաստիճան պաշտոնյան՝ ավելացնելով, որ վերջին շրջանում ԱՄՆ-ի նախագահն ավելի ըմբռնումով է մոտենում Անկարայի դիրքորոշմանը:
