Քաղաքականություն
20.09.2019 | 12:38ՀՀ պաշտպանության նախարար Դավիթ Տոնոյանն այսօր լրագրողների հետ զրույցում ասաց, որ Ադրբեջանի կողմից հնչած առաջարկի մասին՝ փոխանակել երկու ռազմագերիներին, ոչինչ բացահայտել չի կարող:
«Կան քննարկման որոշ խնդիրներ, որոնք ես հիմա բացահայտել չեմ կարող։ Հավելյալ աշխատանք է պահանջվում՝ որոշ տեղեկատվության ճշգրտելու համար, և երբ այն ստանանք ադրբեջանական կողմից, կարձագանքենք: Հայկական կողմը սկզբունքորեն դեմ չէ ՀՀ քաղաքացիներին վերադարձնել իրենց տները և աջակցելու է այդ գործընթացին։ Ես աշխատում եմ, որ իմ քաղաքացիներին վերադարձնեմ Հայաստան»,- ասաց նա:
Նախարարն ընդգծեց, որ վերջնական որոշումը կայացվելու է Ստեփանակերտում:
Մանրամասները՝ տեսանյութում:
Լիլիթ Շաբոյան
