18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Շոտլանդիան առաջիկա տարիներին կարող է անկախանալ Մեծ Բրիտանիայից. Նիկոլա Ստերջեն
Քաղաքականություն
19.09.2019 | 12:17
Շոտլանդիայի առաջին նախարար Նիկոլա Ստերջենը կանխատեսում է, որ առաջիկա տարիներին Շոտլանդիան կանկախանա Մեծ Բրիտանիայից՝ Brexit-ի պատճառով: ՏԱՍՍ-ի փոխանցմամբ՝ այս մասին նա հայտարարել է Բեռլինում լրագրողների հետ զրույցում:
«Ես կանխատեսում եմ, որ Շոտլանդիան առաջիկա տարիներին անկախ կլինի և ԵՄ-ի անկախ անդամ կդառնա»,- ասել է Շոտլանդիայի նախարարների կաբինետի ղեկավարը:
Նա նշել է, որ չհամակարգված Brexit-ի դեպքում Մեծ Բրիտանիայից անկախացման հարցով կրկնակի հանրաքվե պետք է անցկացնել արդեն 2020 թվականին. «Մենք պետք է դա դիտարկենք արդեն հաջորդ տարի»:
Ստերջենի կարծիքով՝ ԵՄ-ից Մեծ Բրիտանիայի դուրս գալու գործընթացն ավելի լավ տարբերակ կլիներ, քան քաոսային Brexit-ը:
Հիշեցնենք, որ Շոտլանդիայի անկախության հարցով հանրաքվեն կայացել է 2014 թվականին: Քվեարկության մասնակիցների 55%-ը կողմ էր արտահայտվել Լոնդոնի հետ միության պահպանմանը:
