Հայաստանը դեսպանություն կբացի Եթովպիայում՝ աֆրիկյան պետությունների հետ հարաբերություններ զարգացնելու համար․ ՏԵՍԱՆՅՈՒԹ

Իսրայելի Պետությունում կստեղծվի Հայաստանի Հանրապետության դեսպանություն, իսկ նստավայրը կլինի Թել Ավիվը: Համապատասխան որոշման նախագիծը Կառավարության համաձայնությանը ներկայացրեց  ՀՀ արտաքին գործերի նախարար Զոհրաբ Մնացականյանը՝ նշելով, որ այդ տարածքում դեսպանություն ստեղծելու անհրաժեշտությունը կարևորվում է նրանով, Մերձավոր Արևելքի տարածաշրջանում, Իսրայելը հանդիսանում է կարևոր դերակատար, որի վարած քաղաքականությունն ազդում է այդ տարածաշրջանի վերաձևավորման և քաղաքականության վրա և կնպաստի նաև  ՀՀ պետական մակարդակով ներկայությունն այդ տարածքում։

«Իսրայելում դեսպանություն ստեղծելը կնպաստի երկկողմ հարաբերությունների ստեղծմանը, նոր հնարավորություններ կստեղծի համագործակցության մի շարք ոլորտների համար»,- ասաց  նախարարը։

Նախարար Արայիկ Հարությունյանը հետաքրքրվեց՝ արդյոք երկխոսության օրակարգո՞ւմ է նաև իրենց կողմից Հայաստանում դեսպանություն բացելու հարցը։ «Զուգահեռ դեսպանություն բացելը մեր երկխոսության օրակարգում է։ Մեր ներկայությունը առավել կամրապնդի մեր փաստարկները և բարձրացրած հարցը, որպեսզի այստեղ ևս ունենանք Իսրայելի դեսպանություն»,- ասաց նախարարը։

Կառավարության ընդունած մեկ այլ նախագծով՝ Հայաստանը դեսպնություն կբացի նաև Եթովպիայի Դաշնային Ժողովրդավարական Հանրապետությունում։

Ըստ նախագծի զեկուցող արտգործնախարար Զոհրաբ Մնացականյանի՝ այս քայլը մեզ հնարավորություն կտա զարգացնելու հարաբերությունները նաև աֆրիկյան պետությունների հետ՝ խորացնելով շփումներն այդ պետությունների հետ։

Մանրամասները՝ տեսանյութում։