18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Խուճապի վանքը չի փոխանցվել հայկական կողմին. ԱԳՆ
Քաղաքականություն
18.09.2019 | 20:55
Վրաստանի և Հայաստանի Հանրապետության միջև պետական սահմանի սահմանազատման գործընթացը չի ավարտվել և Խուճապի վանքը չի փոխանցվել հայկական կողմին: Նման հայտարարություն է տարածում Վրաստանի արտաքին գործերի նախարարությունը: Այս մասին հայտնում են aliq.ge-ն։
Գերատեսչության տվյալներով՝ քանի դեռ պետական սահմանի սահմանազատումն ավարտված չէ, եկեղեցու գտնվելու վայրն օրինականորեն որոշված չի կարող լինել:
«Վրաստանի և Հայաստանի Հանրապետության միջև չի ավարտվել պետական սահմանի սահմանազատման գործընթացը: Կառավարության սահմանազատման հանձնաժողովի մակարդակով կողմերը պայմանավորվել են պետական սահմանի 160 կմ երկարության վերաբերյալ (մոտավորապես 71%): Աշխատանքներ են տարվում սահմանի մնացած՝ գրեթե 65 կիլոմետրը համաձայնեցնելու ուղղությամբ:
Սահմանազատման աշխատանքների ավարտման ամսաթիվը կախված է կողմերի միջև սահմանի ողջ երկարության հնարավոր համակարգումից: Ինչ վերաբերում է Խուճապի վանքին, ապա նրա գտնվելու վայրը չի կարող օրինականորեն որոշվել, քանի դեռ չի ավարտվել պետական սահմանի սահմանազատումը», — նշում են արտգործնախարարությունից:
Երեկ ֆեյսբուք սոցիալական ցանցում տեղեկություններ էին տարածվել այն մասին, որ Հայաստանի հետ սահմանների սահմանազատումը ավարտված է, և Խուճապի վանքը փոխանցվել է հայկական կողմին:
