28.06.2026 | 18:02
Չկա որևէ ուժ, որը վիճարկած լինի հրապարակված տեսագրությունները․ ՀԿԿ ներկայացուցիչ. ՏԵՍԱՆՅՈւԹ
ՄԱԿ-ի ԳԱ լիագումար նիստի օրակարգում Դոնբասին և Ղրիմին վերաբերող կետ է ներառվել. դեմ է քվեարկել 17 երկիր, այդ թվում՝ Հայաստանը
Քաղաքականություն
18.09.2019 | 17:48
ՄԱԿ-ի Գլխավոր ասամբլեան ուկրաինական բռնազավթված տարածքների իրավիճակի մասին կետը ներառել է պետությունների և կառավարությունների մակարդակով նախանշված լիագումար նիստի օրակարգում, որը մեկնարկելու է սեպտեմբերի 23-ին Նյու Յորքում: Newsader.com-ի փոխանցմամբ՝ այս մասին հայտնել է ՄԱԿ-ում Ուկրաինայի մշտական ներկայացուցչության մամուլի քարտուղար Օլեգ Նիկոլենկոն:
Նրա խոսքով՝ Կիևը «ոչ նշանակալի, բայց արարողակարգային հաղթանակ է տարել». «Ուկրաինայի՝ ժամանակավորապես բռնազավթված տարածքներում տիրող իրավիճակը» կետը նիստի օրակարգում ներառոելու օգտին 65 ձայն է եղել, դեմ՝ 17-ը:
Ուկրաինայի ԱԳ փոխնախարար Սերգեյ Կիսլիցան Twitter-ում տեղադրել է քվեարկության արդյունքը, որի համաձայն՝ որոշման դեմ հանդես են եկել Բելառուսը, Բուրունդին, Բոլիվիան, Վենեսուելան, Հայաստանը, Զիմբաբվեն, Իրանը, Ղազախստանը, Հյուսիսային Կորեան, Կուբան, Լաոսը, Մյանման, Նիկարագուան, Ռուսաստանը, Սերբիան, Սիրիան և Ֆիլիպինները:
«Այս կետի ներառումն Ուկրաինային և միջազգային հանրությանը թույլ կտա «ձեռքը զարկերակի վրա պահել»՝ կապված Դոնբասում և Ղրիմում տիրող իրավիճակի հետ, կետ առ կետ քննարկել խնդրահարույց հարցերը, ինչպես նաև խաղաղ կարգավորման ջանքերը սատարող բանաձևեր նախաձեռնել»,- հավելել է Օլեգ Նիկոլենկոն:
