23.06.2026 | 04:51
ԱԱ-2026. Մբապեի դուբլն ու Ֆրանսիայի վստահ հաղթանակը. ՏԵՍԱՆՅՈՒԹ
Մեծ Բրիտանիան կարող է հետաձգել Brexit-ը, բայց ծանրակշիռ հիմքեր են պետք
Քաղաքականություն
18.09.2019 | 16:41
Մեծ Բրիտանիան կարող է կրկին հետաձգել Եվրամիությունից դուրս գալը՝ ծանրակշիռ հիմքերի առկայության դեպքում: Այս մասին գրում է ՏԱՍՍ-ը:
Եվրախորհրդարանի լիագումար նիստում հավանության արժանացած համապատասխան փաստաթղթում նշվում է նաև, որ այդ ընթացքում Լոնդոնը պետք է պահպանի իռլանդական սահմանով ազատ տեղաշարժը և, նույնիսկ Բրյուսելի հետ գործարքի բացակայության պայմաններում, կատարի ԵՄ-ի առջև ունեցած ֆինանսական պարտավորությունները:
Այս փաստաթուղթը կոչված է ընդգծել առանցքային հարցերում ԵՄ-ի դիրքորոշումը, որը վերաբերում է Լիսաբոնի պայմանագրի 50-րդ հոդվածի շրջանակում Միությունից Միացյալ Թագավորության ելքին: Դրա ընդունման օգտին հանդես է եկել 544 պատգամավոր, դեմ՝ 126-ը, 38-ը՝ ձեռնպահ:
«Եվրախորհրդարանը կսատարի Լիսաբոնի պայմանագրի 50-րդ հոդվածով սահմանված ժամկետների երկարաձգումը, եթե դրա համար լինեն պատճառներ և նպատակ, մասնավորապես՝ առանց գործարքի Brexit-ի խուսափելու ցանկություն, խորհրդարանական ընտրությունների կամ հանրաքվեի անցկացում, 50-րդ հոդվածի կիրառումից հրաժարում կամ ելքի պայմանների շուրջ համաձայնագրի կնքում»,- հայտարարել են զեկույցի հեղինակները՝ ընդգծելով, որ դա չպետք է անդրադառնա ԵՄ-ի ինստիտուտների գործառույթների վրա:
Նրանք հիշեցրել են, որ 2019 թվականի սեպտեմբերի 9-ին Մեծ Բրիտանիայի խորհրդարանն օրենք է ընդունել, որը թագավորության Կառավարությանը պարտավորեցնում է ԵՄ-ից խնդրել հերթական անգամ հետաձգել Brexit-ը, եթե մինչև հոկտեմբերի 19-ը Բրյուսելի հետ գործարքի հարցում համաձայնություն ձեռք չբերվի:
