18.12.2025 | 15:46
Ենթադրենք՝ բռնի ուժով կաթողիկոսին հեռացրին Մայր աթոռից, հետո՞․ սա խայտառակություն է աշխարհի առաջ․ Դավիթ Շահնազարյան․ ՏԵՍԱՆՅՈՒԹ
Նախկինում գալա համերգի բեմը 425 մլն է արժեցել, մեր ծախսերով՝ 50-60 մլն կարժենա. Էդուարդ Աղաջանյան. ՏԵՍԱՆՅՈՒԹ
Տնտեսություն
18.09.2019 | 14:57
Նախկինում Անկախության տոնի միջոցառումների համար պետական միջոցներն անարդյունավետ են ծախսվել: Այս մասին այսօր ՀՀ Անկախության 28-ամյակի կապակցությամբ նախատեսվող միջոցառումներին նվիրված ասուլիսի ընթացքում նշեց վարչապետի աշխատակազմի ղեկավար Էդուարդ Աղաջանյանը։
«Գալա համերգի բեմի համար նախատեսված գումարն ընդամենը 33 մլն դրամ է։ Համեմատության կարգով նշեմ, որ նախկինում միայն մեկ բեմի համար հատկացվել է 425 մլն դրամ։ Հավաստիացնում եմ, որ այս բեմն իր մասշտաբներով, լուսային ու այլ հագեցվածությամբ նախորդներին չի զիջելու։ Ճիշտ է, այդ 425 միլիոնի մեջ ներառված են եղել նաև ելույթ ունեցող արտիստների հոնորարները, բայց եթե մեր ծախսած գումարին նաև արտիստների հոնորարներն ավելացնենք, այդ 33 միլիոնը գուցե 50 կամ 60 միլիոն դառնա, ոչ ավելի»,- ընդգծեց Էդուարդ Աղաջանյանը։
Նրա խոսքով՝ այս հարցին իրավական ընթացք դեռ չի տրվել:
«Գործընթացի մեջ ապօրինություն կամ օրենքի խախտման դրվագ հնարավոր չէ գտնել»,- հավելեց վարչապետի աշխատակազմի ղեկավարը։
Մանրամասները՝ տեսանյութում։
Նելլի Մելքոնյան
