14.01.2026 | 14:03
Որևէ մեկն ուզել է Ադրբեջանից բենզին բերել, ձեռքը բռնե՞լ են.Գևորգյանը` Փաշինյանի հայտարարության մասին. ՏԵՍԱՆՅՈՒԹ
Կառավարությունը գործուղումների բյուջեն 250 մլն դրամով ավելացնում է
Տնտեսություն
17.09.2019 | 23:07
ՀՀ կառավարության պաշտոնական կայքում շրջանառվում է նախագիծ, որի համաձայն 2019 թվականի բյուջեով արտասահմանյան գործուղումներին և պատվիրակություններին ընդունելու համար խոշոր գումարներ են հատկացվում:
Ըստ նախագծի՝ «Արտասահմանյան պատվիրակությունների ընդունելություններ» միջոցառման համար հատկացվելու է 60 մլն դրամ, իսկ «Արտասահմանյան պաշտոնական գործուղումներ» միջոցառման համար՝ 250 մլն դրամ:
Նախագծի հիմնավորման մեջ նշվում է, որ գումարների հատկացումները պայմանավորված են 2019 թվականի պետական բյուջեում պաշտոնական գործուղումների և արտասահմանյան պատվիրակությունների ընդունելությունների գծով ծախսերի ֆինանսավորման համար նախատեսված հատկացումների անբավարարությամբ: Գումարը հատկացվելու է կառավարության պահուստային ֆոնդից:
Նարեկ Կիրակոսյան
