08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Մանվել Գրիգորյանը կմնա կալանքի տակ․ դատարանը մերժեց պաշտպանի միջնորդությունը
Հասարակություն
17.09.2019 | 17:32
Երևանի ընդհանուր իրավասության դատարանում այսօր տեղի ունեցավ ԵԿՄ վարչության նախկին նախագահ Մանվել Գրիգորյանի գործով դատական նիստը, որի մեկնարկին Գրիգորյանի պաշտպան Լևոն Բաղդասարյանը գրավոր միջնորդություն ներկայացրեց Մանվել Գրիգորյանին կալանքից ազատելու համար:
Ըստ պաշտպանի՝ միջնորդություն ներկայացնելու պատճառը Մանվել Գրիգորյանի հիվանդությունների բացասական, ակնհայտ զարգացող դինամիկան է։
Դատավոր Մնացական Մարտիրոսյանը կողմերին լսելուց հետո հեռացավ խորհրդակցական սենյակ ՝ որոշում կայացնելու։
Խորհրդակցական սենյակից վերադառնալուց հետո Մնացական Մարտիրոսյանը վճռեց ԵԿՄ վարչության նախկին նախագահ Մանվել Գրիգորյանին ազատ չարձակել և մերժել պաշտպանի ներկայացրած միջնորդությունը։
Հիշեցնենք, որ Մանվել Գրիգորյանը մեղադրվում է ապօրինի զենք-զինամթերք պահելու, 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակություն կազմակերպելու համար:
