22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ԱՄՆ Հայ Դատի հանձնախումբն Արցախի մասին ԿՀՎ-ի գաղտնազերծված զեկույցներն է հրապարակել
Քաղաքականություն
17.09.2019 | 15:25
ԱՄՆ Հայ Դատի հանձնախումբը հրապարակել է Արցախի մասին ամերիկյան Կենտրոնական հետախուզական վարչության (ԿՀՎ) գաղտնազերծված զեկույցները:
1988 թվականին վերագրվող «Անկարգությունները Կովկասում և ազգայնականության վտանգը» կոչվող փաստաթղթում խոսվում է Արցախում ազգամիջյան հակամարտության սկզբնավորման մասին: «1920-ականներին հայկական մշակութային ու կրոնական կենտրոն Լեռնային Ղարաբաղի՝ Ադրբեջանին ենթարկվելու մասին որոշումը հայերի մշտական, սակայն լռեցված հիասթափությունն է եղել»,- ասվում է փաստաթղթում:
ԿՀՎ-ի գաղտնազերծված զեկույցում նշվում է, որ Ադրբեջանի երիտասարդ բնակչության արագ աճը հանգեցրել է նրան, որ պետությունն ի վիճակի չի եղել ապահովել պատշաճ կրթություն, աշխատանք, կացարան, ինչից հետո ադրբեջանցիների դժգոհությունը դրսևորվել է հայերի վրա հարձակումներով:
Համաձայն զեկույցի՝ ԼՂԻՄ-ի ստեղծման տարեթիվը 1923 թվականն է, իսկ վայրը՝ այն փոքր բնակատեղին, որտեղ հայերը բնակչության 89%-ն են կազմել:
Նելլի Մելքոնյան
