06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Քոչարյանը կարող է անօրինական ազդեցություն գործադրել վկաների նկատմամբ․ տուժողների ներկայացուցիչներ. ՏԵՍԱՆՅՈՒԹ
Հասարակություն
17.09.2019 | 16:14
«Չեմ կարող ասել՝ նախագահն ունի՞ այդպիսի կապեր՝ գնալ Ադրբեջան թեյ խմելու, թե՝ ոչ։ Ես պահանջում եմ դատական նիստի ձայնագրությունը»,- դատարանում խոսքի իրավունք ստանալով՝ ասաց «Մարտի 1»-ի գործով տուժողի ներկայացուցիչ Սեդա Սաֆարյանը։ Դիմելով Ռոբերտ Քոչարյանին`Սեդա Սաֆարյանն ասաց, թե նա միանձնյա կարողացել է Հայաստանը բերել ներկա վիճակին․ «Երբ հասել է պատասխանատվության պահը, նրա նկատմամբ խափանման միջոցը չի կարող փոխվել։ Բազմաթիվ մարդիկ ցուցմունքներ են տվել և այդ մարդիկ պետք է գան դատարան՝ ցուցմունք տան։ Ռոբերտ Քոչարյանը կարող է վկաների վրա ազդեցություն ունենալ»։
Մեկ այլ տուժողի ներկայացուցիչ, փաստաբան Արա Ղարագյողյանը խափանման միջոցը վերացնելու և գրավ կիրառելու մասին նշեց, որ դեմ է այդպիսի զարգացմանը:
«Պաշտպանական կողմը նոր փաստարկներ չներկայացրեց, թե ինչու պետք է Քոչարյանը լինի ազատության մեջ։ Ռոբերտ Քոչարյանը ազատ արձակվելու դեպքում կարող է խոչընդոտել քննությանը, կարող է անօրինական ազդեցություն գործադրել վկաների նկատմամբ»,- ասաց Ղարագյոզյանը։
Մանրամասները՝ տեսանյութում։
