19.05.2024 | 23:02
Գերմանիան և Ֆրանսիան «անհանգստացած են» Վրաստանում ստեղծված իրավիճակով
ԵնթաԴՐՈՒԹՅՈՒՆ. Ի՞նչ կփոխի ՍԴ-ի շուրջ Ազգային ժողովի դիրքորոշման հրապարակումը․ ՏԵՍԱՆՅՈՒԹ
Քաղաքականություն
16.09.2019 | 17:35
ԱԺ նախագահ Արարատ Միրզոյանն այսօր խորհրդարանի ամբիոնից անդրադարձավ Սահմանադրական դատարանի շուրջ ստեղծված իրավիճակին՝ ընդգծելով, որ հետևում է Սահմանադրական դատարանում և դրա շուրջ ստեղծված իրավիճակին ու չի կարող չկիսել այդ կապակցությամբ հանրության շրջանում տեղ գտած մտահոգությունները։
Խորհրդարանի ղեկավարը կետ առ կետ անդրադարձավ այն խնդիրներին, որոնք, իր համոզմամբ, արձանագրվել են երկրորդ նախագահ Ռոբերտ Քոչարյանի դիմումը քննելիս: Միրզոյանը շեշտեց, որ Ազգային ժողովը, որպես «ժողովրդի օրինական և լեգիտիմ ներկայացուցիչ և առաջնային մանդատով օժտված միակ պետական ինստիտուտ, Սահմանադրությամբ իրեն վերապահված լիազորությունների շրջանակում իր դիրքորոշումը պիտի արտահայտի առկա խնդիրների և իրավիճակի կապակցությամբ:
Ավելի ուշ «Իմ քայլի» ղեկավար Լիլիթ Մակունցը տեղեկացրեց, որ խմբակցության նիստ են հրավիրելու, որպեսզի հստակեցնեն իրենց դիրքորոշումը և այդ մասին հանդես գան հայտարարությամբ։
Եթե, ի վերջո, գնահատական տրվի ՍԴ-ում առկա իրավիճակին, ապա ի՞նչ հետևանք դա կունենա։ Թեմայի շուրջ Factor.am-ը զրուցել է ԱԺ «Իմ քայլը» խմբակցության ղեկավար Լիլիթ Մակունցի, ինչպես նաև խմբակցության պատգամավորներ Անուշ Բեղլոյանի, Տաթև Ղազարյանի, Սոֆիա Հովսեփյանի և Սարգիս Խանդանյանի հետ։
Մանրամասները՝ տեսանյութում:
Շողիկ Գալստյան
