18.10.2026 | 13:43
Օդի ջերմաստիճանը կնվազի
ՀՀ-ի արձագանքից հետո Ադրբեջանը խմբագրել է ԵԱՀԿ ԽՎ նախագահին վերագրվող հարցազրույցը․ ԱԳՆ խոսնակ. ՏԵՍԱՆՅՈՒԹ
Քաղաքականություն
13.09.2019 | 15:45
Ադրբեջանական մամուլում ԵԱՀԿ Խորհրդարանական վեհաժողովի նախագահ Գիորգի Ծերեթելիին հարցազրույց էր վերագրվել, որի առնչությամբ Վրաստանում ՀՀ դեսպան Ռուբեն Սադոյանը հանդիպել է Ծերեթելիի հետ: Այսօր հրավիրված ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ հավելելով, որ հարցին անդրադարձ է եղել նաև ԵԱՀԿ-ում Հայաստանի մշտական ներկայացչության կողմից:
«Ինչպես մեզ հավաստիացրել են ԵԱՀԿ-ում խորհրդարանական վեհաժողովի ներկայացուցիչները՝ Գիորգի Ծերեթելին իր հարցազրույցում որևէ անդրադարձ, առավել ևս՝ բնորոշում չի տվել հայկական կողմի հայտարարություններին: Նա աջակցում է ԵԱՀԿ Մինսկի խմբի համանախագահության ձևաչափին, ինչպես նաև կարևորում է խաղաղ գործընթացի առաջմղման համար համապատասխան միջավայրի ձևավորումը»,- նշեց նա:
Ըստ Նաղդալյանի՝ ադրբեջանական լրատվամիջոցները հետին թվով արդեն իսկ խմբագրել են այդ հարցազրույցը, որը վերագրվում էր ԵԱՀԿ ԽՎ նախագահին:
Մանրամասները՝ տեսանյութում:
