12.06.2026 | 22:09
Մեր աշխատանքը չի ավարտվում միայն ընտրության օրով, շարունակում ենք աշխատանքը, կլինեն նոր բացահայտումներ․ ՆԳ նախարար
ԱԳՆ-ի արձագանքը ՀԱՊԿ-ում Ադրբեջանի կարգավիճակի մասին ՌԴ փոխվարչապետի կարծիքին. ՏԵՍԱՆՅՈՒԹ
Քաղաքականություն
13.09.2019 | 16:46
ԵԱՀԿ Մինսկի խմբի համանախագահների կողմից եղել է առաջարկ՝ կազմակերպելու Հայաստանի և Ադրբեջանի ԱԳ նախարարների հանդիպումը, և կողմերը համաձայնել են, որ հանդիպումը կկայանա: Այսօր տեղի ունեցած ճեպազրույցում ասաց ՀՀ ԱԳՆ խոսնակ Աննա Նաղդալյանը՝ պատասխանելով Նյու Յորքում Զոհրաբ Մնացականյան-Էլմար Մամեդյարով հանդիպման հնարավորության մասին հարցին:
«Իսկ որտեղ կկայանա և ինչ ժամկետներում, մենք բազմիցս ենք ասել, որ կա սկզբունք, և մենք այդ մասին հայտարարում ենք համաձայնեցված կարգով, թե որտեղ և երբ կկայանա հանդիպումը, և հայկական կողմը երբևէ այս սկզբունքը չի խախտել և չի խախտելու»,- հավելեց նա:
Անդրադառնալով ՌԴ փոխվարչապետ Յուրի Բորիսովի հայտարարությանը, թե Ռուսաստանը դեմ չէ, որ Ադրբեջանը ՀԱՊԿ-ում դիտորդի կարգավիճակ ունենա, չնայած պաշտոնական Երևանը բազմիցս հայտարարությամբ հանդես է եկել ՀԱՊԿ-ում Ադրբեջանի որևէ կարգավիճակ ունենալու մասին, Աննա Նաղդալյանը նշեց, որ կա ՀԱՊԿ կանոնադրություն, որտեղ հստակ ամրագրված են այն չափանիշները, որոնք պետք են դիտորդի կամ գործընկերոջ կարգավիճակ ստանալու համար:
«Մասնավորապես, դիտորդի կարգավիճակի հավակնող պետությունը պետք է դիվանագիտական հարաբերություններ ունենա ՀԱՊԿ բոլոր անդամ պետությունների հետ: Ավելին, ՀԱՊԿ դիտորդի կարգավիճակի հավակնող պետությունը պետք է աջակցի հակամարտությունների և միջազգային վեճերի և հակամարտությունների բացառապես խաղաղ կարգավորմանը: Ինչ վերաբերում է գործընկերոջ կարգավիճակին, ինչպես և դիտորդի կարգավիճակի պարագայում, նա նույնպես պետք է ունենա դիվանագիտական հարաբերություններ ՀԱՊԿ անդամ պետությունների հետ, չունենա հակամարտություններ այլ պետությունների կամ պետության հետ և չունենա տարածքային վեճեր հարևանների հետ»,- պարզաբանեց նա:
Մանրամասները՝ տեսանյութում:
