Միքայել Մինասյանի հոր գործով Արսեն Թորոսյանի հայցը Վերաքննիչ դատարանը վարույթ է ընդունել. ՏԵՍԱՆՅՈՒԹ

Առողջապահության նախարար Արսեն Թորոսյանը Կառավարության նիստից հետո լրագրողներին ասաց, որ ծխախոտի դեմ պայքարի նախագիծն ընդունվելուց հետո էական դրույթներն ուժի մեջ են մտնելու 2021-2022 թվականներին։ Դեռ հայտնի չէ, թե ԱԺ-ն երբ կընդունի օրենքը։

«Մենք մարդկանց իրավունքները չենք սահմանափակում, օգտագործման սահմանափակում չկա, կա որոշակի վայրերում օգտագործման սահմանափակում»,- ասաց նա:

Ըստ Թորոսյանի՝ քննարկումների արդյունքում նաև զիջումների են գնացել, մասնավորապես, խոսքը ժամկետների մասին է. «Մենք ինքներս էլ հասկանում ենք, որ այս օրենքի գործողության դեպքում մեկ տարում արդյունք չենք ունենա, բայց 10-15 տարուց է արդյունք լինելու, իսկ այդ ժամանակ մեր երեխաներն են լինելու մեզ նման հասուն քաղաքացիներ, որոնք մենք փթողնում ենք առողջ ապագա։ Չեմ կարծում, որ որևէ մեկը դրան դեմ կլինի»:

Նախարարը հավելեց, որ միջազգային փորձը ցույց է տալիս, որ նման օրենքները գործում են արդյունավետմ, հատուկ վերահսկողություն սահմանելու կարիք չկա։

«Նույն ՌԴ փորձը, 2014 թվականի հունիսի մեկից են ներդրել օրենքը, երկու օր հետո մոնիթորինգ են արել բոլոր ռեստորններում, 98 տոկոս օրենքի պահպանում են արձանագրել՝ առանց որևէ հսկողության»,- ասաց նա:

Անդրադառնալով հարցին, թե իր ասուլիսը տապալելը համարում են պաշտոնանակության նախաքայլ, Արսեն Թորոսյանը նշեց՝ նման տեղեկություններ չունի: Ասաց, որ հանրային և ոչ հանրային նկատողություն չի ստացել վարչապետի կողմից:

Միաժամանակ, Արսեն Թորոսյանը չի պատրաստվում Գրիգոր Լուսավորիչ ԲԿ-ի նախկին տնօրեն Արա Մինասյանից ներողություն խնդրել: Նա դիմել է վերաքննիչ դատարանը, գործը վարույթ է ընդունվել: Հիշեցնենք, որ առաջին ատյանի դատարանը պարտավորեցրել էր նախարարին Արա Մինասյանից ներողություն խնդրել՝ իր կատարած հայտարարությունների համար:

Մանրամասները՝ տեսանյութում:

Նարեկ Կիրակոսյան