06.06.2026 | 16:51
Հայաստանի հավաքականի մեկնարկային կազմը Ղազախստանի դեմ խաղում
Քոչարյանն ընդդեմ Փաշինյանի գործով բողոքը Վերաքննիչ դատարանը վարույթ չի ընդունել
Հասարակություն
12.09.2019 | 13:13
ՀՀ վերաքննիչ քաղաքացիական դատարանը վարույթ չի ընդունել Ռոբերտ Քոչարյանն ընդդեմ Նիկոլ Փաշինյանի գործով Քոչարյանի ներկայացուցիչ Հայկ Ալումյանի կողմից ներկայացված բողոքը։
Դատական տեղեկատվական հարթակից տեղեկանում ենք, որ դատարանի այս որոշումը կարող է բողոքարկվել վճռաբեկության կարգով` հրապարակման պահից տասնհինգօրյա ժամկետում։
Նշենք, որ Ռոբերտ Քոչարյանը հայցադիմում էր ներկայացրել Նիկոլ Փաշինյանի դեմ ՝ Ֆրանսիա կատարած այցի ժամանակ արված հայտարարությունների համար, որոնք համարել էր զրպարտություն։
«Ռոբերտ Քոչարյանին ազատ արձակելու մասին ասում են անձեռնմխելի է: Ի՞նչ է նշանակում անձեռնմխելի: Այսինքն՝ կարելի է մարդկանց սպանությունը կազմակերպել ու ասել՝ ես անձեռնմխելի՞ եմ: Այդ որտե՞ղ է այդպես գրած»,- ասել էր Փաշինյանը։
Հիշեցնենք, որ Քորարյանի պաշտպան Հայկ Ալումյանը վերաքննիչ դատարան բողոք էր ներկայացրել, քանի որ Քոչարյանն ընդդեմ Փաշինյանի գործի վարույթը կարճվել էր, դատարանը որոշել էր հայցվորից հօգուտ պատասխանողի որպես դատական ծախսերի փոխհատուցում բռնագանձել 200 000 դրամ, իսկ Ալումյանը, չհամաձայնելով դրա հետ, որոշել էր դիմել Վերաքննիչ դատարան։
