14.01.2026 | 15:57
Իրանի գլխավոր դատավորը չի բացառել արագացված դատավարությունները և ձերբակալված ցուցարարների զանգվածային մահապատիժները
Ռոբերտ Քոչարյանի աջակիցները հերթական բողոքի ակցիան են կազմակերպել Շենգավիթի դատարանի դիմաց. ՏԵՍԱՆՅՈՒԹԵՐ
Հասարակություն
10.09.2019 | 13:05
ՀՀ երկրորդ նախագահ Ռոբերտ Քոչարյանի աջակիցները Երևանի ընդհանուր իրավասության դատարանի Շենգավիթի նստավայրի դիմաց հերթական բողոքի ակցիան են կազմակերպել: Նրանք դատարանից և դատավոր Աննա Դանիբեկյանից, որին երկրորդ նախագահի քրգործի քննությունն է մակագրված, պահանջում են արտահերթ նիստ հրավիրել և քննել Սահմանադրական դատարանի որոշումը:
Հիշեցնենք, որ երեկ՝ սեպտեմբերի 9-ին, նրանք բողոքի ակցիաներ էին կազմակերպել՝ Երևանի ընդհանուր իրավասության դատարանի Կենտրոնի և Շենգավիթի նստավայրերի դիմաց՝ նույն պահանջով:
Նրանք նաև ցանկություն էին հայտնել հանդիպել դատավոր Աննա Դանիբեկյանին, սակայն դատարանի անվտանգության աշխատակիցները հայտնել էին, որ նա դատական նիստի է և չի կարող շենքից դուրս գալ, ինչից հետո Քոչարյանի աջակիցները դադարեցրել էին ակցիան:
Նշենք, որ Սահմանադրական դատարանի կայքում հրապարակվել է ՀՀ երկրորդ նախագահ, Մարտի 1-ի գործով մեղադրյալ Ռոբերտ Քոչարյանի դիմումի հիման վրա կայացրած որոշումը։ Որոշման համաձայն՝ ՀՀ Քրեական դատավարության 35-րդ հոդվածը հակասահմանադրական է և Քոչարյանին մի քանի անգամ կալանավորելը խախտել է նրա անձնական ազատության իրավունքը, իսկ ՀՀ ՔԴ 135-րդ 2-րդ մասը համապատասխանում է ՀՀ սահմանադրությանը։
Մանրամասները՝ տեսանյութում:
Նելլի Մելքոնյան
