09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Ադրբեջանի՝ ՀԱՊԿ դիտորդ կամ գործընկեր դառնալու ռիսկը Բաբաջանյանը տեսնում է, Ռուբինյանը՝ ոչ․ ՏԵՍԱՆՅՈՒԹ
Քաղաքականություն
10.09.2019 | 12:06
Մեր քաղաքական ուժի և Ձեր, քանի որ Դուք այլևս քաղաքական ուժ չունեք, տարբերությունն այն է, որ Ձեր կանխավարկածով Հայաստանն անկարող պետություն է, իսկ մեր կանխավարկածով՝ Հայաստանն ինքնիշխան պետություն է, որը չունի կաշկանդվածություն պաշտպանելու է իր շահերը։
Այս մասին այսօր Ազգային ժողովում, անդրադառնալով պատգամավոր Արման Բաբաջանյանի այն դիտարկմանը, որ կա վախ, որ ՀԱՊԿ-ի կանոնադրությունում փոփոխություն անելով Ադրբեջանին կարող է տրվել գործընկերոջ կամ դիտորդի կարգավիճակ ստանալու հնարավորություն, ասաց ԱԺ «Իմ քայլը» խմբակցության պատգամավոր Ռուբեն Ռուբինյանը։
«Դուք այդ փոփոխության մեջ տեսնում եք, որ Ադրբեջանը, Պակիստանը, Թուրքիան կարող են մտնել ՀԱՊԿ, և մենք չենք կարող դրա դեմ որևէ բան անել, իսկ մենք տեսնում ենք այն, որ որևէ պետություն չի կարող դառնալ ՀԱՊԿ դիտորդ կամ անդամ, որովհետև մենք դրան դեմ կքվեարկենք»,- ասաց Ռուբինյանը։
Վեջինս շեշտեց՝ Ադրբեջանը չի լինելու ՀԱՊԿ-ում գործընկեր կամ դիտորդ, որովհետև ամեն ինչ շատ պարզ է։
«Ես Ձեզ հորդորում եմ մի կողմ թողնել ՀՀ-ի խեղճության և անկարողության կանխավարկածը և սկսել առաջնորդվել ՀՀ-ի ինքնիշխանության, մեծության և սեփական շահերը պաշտպանելու ունակության կանխավարկածով»,- ասաց Ռուբինյանը։
Մանրամասները՝ տեսանյութում:
Աղավնի Սուքիասյան
