02.04.2025 | 10:52
Ավարտվել է «Սևան ազգային պարկ» ՊՈԱԿ-ի նախկին տնօրենի նկատմամբ նախաձեռնված քրեական վարույթի նախաքննությունը
Ադրբեջանում ռուսաստանաբնակ հայ ամուսիններ են ձերբակալվել
Հասարակություն
06.09.2019 | 19:15
Երկու հայ է ձերբակալվել Ադրբեջանի Գյոլգյոլ շրջանի Չայքենդ գյուղում։ Այս մասին տեղեկացնում են մի շարք ադրբեջանական լրատվամիջոցներ:
Տարածված տեղեկությունների համաձայն՝ ՌԴ քաղաքացի, ազգությամբ հայ ամուսիններն ուշադրություն են գրավել, երբ սկսել են լուսանկարել գյուղը: Ձերբակալման ժամանակ է պարզվել, որ նրանք ազգությամբ հայ են, ռուսական անձնագրեր ունեն:
Ամուսինները որպես զբոսաշրջիկ իջևանել են Գյանջայում՝ Գանձակում: Ձերբակալությունից հետո նրանց տեղափոխել են Գյոլգյոլի շրջան։ Նշվում է, որ Չայքենդ գյուղը սահմանին մոտ է։ Հայ ամուսիների մասին այլ տեղեկություն չի հաղորդվում:
Նշենք, որ ռուսաստանաբնակ հայ ամուսինների մասին լրագրողներն այսօր հարց են ուղղել մամուլի ասուլիսով հանդես եկող ՀՀ ԱԳ նախարար Զոհրաբ Մնացականյանին: Նախարարն ասել է, որ տեղյակ չէ այդ մասին և խոստացել, որ ճշտելուց հետո Հայաստանի ԱԳՆ-ն տեղեկություն կհաղորդի:
Էմմա Չոբանյան
