06.06.2026 | 17:19
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
«2018 թ. քննված քրեական գործերի թիվն աճել է 5677-ով»․ Դատախազության ներկայացուցիչ. ՏԵՍԱՆՅՈՒԹ
Հասարակություն
06.09.2019 | 16:57
Արդարադատության ոլորտում բարեփոխումների շրջանակում ՀՀ գլխավոր դատախազությունը նախատեսում է Քրեական օրենսգրքի առանձին հավելվածով ներկայացնել կոռուպցիոն հանցագործությունների ցանկը։
Այս մասին այսօր՝ «Հետհեղափոխական Հայաստան. Արդարադատության համակարգի վերափոխման խնդիրները» խորագրով հանրային քննարկման ընթացքում նշեց ՀՀ գլխավոր դատախազության կազմակերպական-վերահսկողական և իրավական ապահովման վարչության պետի տեղակալ Մհեր Մկրտչյանը։
Նրա խոսքով՝ 2018 թվականին նախաքննական մարմինները քննել են 27․684 քրգործ, իսկ նախաքննական մարմինների քննիչների տարեկան ծանրաբեռնվածությունը կազմել է 51․5 քրգործ՝ նախորդ տարվա 42․3 քրգործի համեմատ։
«Դատավարական ղեկավարում իրականացնող դատավորների տարեկան ծանրաբեռնվածությունը կազմել է 102․9 քրգործ՝ նախորդ տարվա 81․8 քրգործի համեմատ»,- ընդգծեց Մհեր Մկրտչյանը։
Նրա գնահատմամբ՝ տեղի է ունեցել քննվող քրեական գործերի արմատական աճ, ինչը, բնականաբար, հանգեցրել է դատախազների ծանրաբեռնվածության աճին։
Մանրամասները՝ տեսանյութում։
Նելլի Մելքոնյան
