02.07.2026 | 22:37
Վթարային ջրանջատում` Արարատի մարզում
ԱՄՆ-ի հետ բարձր մակարդակով շփումների դեֆիցիտ չունենք. Զոհրաբ Մնացականյան. ՏԵՍԱՆՅՈՒԹ
Քաղաքականություն
06.09.2019 | 14:55
Հայաստանի վարչապետի ԱՄՆ այցի օրակարգն արդեն բավական ձևավորված է. նա լինելու է Կալիֆորնիայում, ինչպես նաև Նյու Յորքում, որտեղ մասնակցելու է ՄԱԿ-ի Գլխավոր վեհաժողովի 74-րդ նստաշրջանի բացմանը, որի ընթացքում նա նաև ելույթ կունենա: Այսօր լրագրողների հետ հանդիպմանն ասաց ՀՀ ԱԳ նախարար Զոհրաբ Մնացականյանը:
Ինչ վերաբերում է ԱՄՆ նախագահ Դոնալդ Թրամփի հետ Նիկոլ Փաշինյանի հանդիպմանը, ըստ նախարարի՝ դա մեր օրակարգային հարցն է:
«Միացյալ Նահանգների հետ բարձր մակարդակով շփումների որևէ դեֆիցիտ այսօր չունենք, և՛ Սպիտակ տակ, և՛ Պետքարտուղարության մակարդակով ունենք շատ ակտիվ երկխոսություն: Եվ չունենք որևէ սահմանափակում ցանկացած պահի այն ակտիվացնելու: Շատ պարզ ասեմ, եթե ես որևէ պատգամ ունեմ, որևէ բան ունեմ ասելու, ես անմիջապես կարող եմ հասցնել դա Միացյալ Նահանգների բարձր մակարդակի իմ գործընկերներին», – ասաց Զոհրաբ Մնացականյանը:
Իսկ Փաշինյան-Թրամփ հանդիպում, ըստ նախարարի, կլինի. «Երբ կլինի՝ շատ լավ է։ Աշխատում ենք և սա մեզ համար օրակարգային հարց է»:
Մանրամասները՝ տեսանյութում:
