06.06.2026 | 17:19
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
«Բազմաթիվ խնդիրներ ունենք, որոնց լուծումը բացառիկ անկախ դատական համակարգ է պահանջում»․ Արթուր Սաքունց. ՏԵՍԱՆՅՈՒԹ
Հասարակություն
06.09.2019 | 16:27
Մեր դիմումը բավարարած դատավորը մինչև հեղափոխությունն այն մերժում էր. այս մասին այսօր՝ «Հետհեղափոխական Հայաստան. Արդարադատության համակարգի վերափոխման խնդիրները» խորագրով հանրային քննարկման ընթացքում նշեց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը։
««Սասնա ծռեր»-ի զինված ապստամբության փորձին զուգահեռ զանգվածային բողոքի ցույցերի ընթացքում, դրանց չմասնակցող երկու քաղաքացու ոստիկաններ էին մոտեցել, փաստաթղթերը ստուգել, բռնությամբ բերման ենթարկել։ Բռնության հիմքով քրեական գործ հարուցելու մեր դիմումները քննիչների կողմից մերժվում են, բողոքարկում ենք դատական ատյաններ, որտեղ Առաջին ատյանի դատարանը մերժում է քրգործ հարուցելու դիմումը, իսկ Վերաքննիչ դատարանը՝ բավարարում։ Նման որոշումներ կայացրած դատավորները շարունակում են պաշտոնավարել։ Հուրախություն մեզ, սա այն փաստաթուղթն է , որի վրա կարելի է առաջարկություններ ներկայացնել և քննարկել։ Ի տարբերություն նախորդ նախագծի, որը, ցավոք, որևիցե կերպ չէր համապատասխանում այն բազային մոտեցումներին, որոնց վրա կարելի էր առաջարկություններ ներկայացել կամ քննարկումներ կազմակերպել, տեսակետներ ներկայացնել»,- ընդգծեց Սաքունցը։
Ըստ նրա՝ լուրջ խնդիր է, որ ըստ քաղաքական նպատակահարմարության որոշումների ընդունումն այսօր էլ շարունակվում է։
Մանրամասները՝ տեսանյութում։
Նելլի Մելքոնյան
