01.11.2024 | 23:19
Հրդեհ Գյումրու տներից մեկում
«15 տարի վկա ենք եղել՝ ինչպես իրավունքը չի պաշտպանվել, արդարադատությունը հասանելի չի եղել»․ Լարիսա Մինասյան. ՏԵՍԱՆՅՈՒԹ
Հասարակություն
06.09.2019 | 16:10
Ապրիլյան հեղափոխության մասին խոսելիս, բաց է թողնվում այն, որ հեղափոխությունը կատարվել է արդարադատության, արդարության, արժանապատվության ու հարգանքի լոզունգներով, ոչ թե կոռուպցիոն սկանդալից կամ նյութական կարիքից դրդված։
Այս մասին այսօր՝ «Հետհեղափոխական Հայաստան. արդարադատության համակարգի վերափոխման խնդիրները» խորագրով հանրային քննարկման ընթացքում նշեց «Բաց հասարակության հիմնադրամներ-Հայաստանի» գործադիր տնօրեն Լարիսա Մինասյանը։
Նրա խոսքով՝ արդարության պակասը Հայաստանի քաղաքացիների համար ամենամեծն էր ու ամենաանհանդուրժելին։
«Լինի դա շրջակա միջավայրի վիճակ, կոռուպցիա, թե մեկ այլ բան, փոփոխությունները և բարելավումը կառչում են արդարության, արդարադատության ու իրավունքի պակասից։ Թե՛ նախքան հեղափոխությունը և թե՛ դրանից հետո, փորձում էինք բացահայտել իրավական դաշտի լծակների զավթվածությունը և ցույց տալ, թե որքան ուղղակի է այդ կապը։ Մեկ տարի անց, ինձ թվում է, դա ավելի հանրամատչելի է դարձել՝ կյանքի բերումով։ Այս մեկ տարվա ընթացքում բազմաթիվ անգամ փորձում էինք բացատրել, որ դա բավարար չէ, և բերել փաստարկներ այն փորձի, որ մենք 15 տարի բոլորս ենք եղել վկա ՝ ինչպես իրավունքը չի պաշտպանվել, ինչպես արդարադատությունը հասանելի չի եղել։ Այդ մեխանիզմները պետք է ապամոնտաժել։ Մեկ տարի է՝ ականատես ենք լինում տարբեր ցնցումների, որոնք չէին կարող չլինել մի երկրում, որտեղ դրանք երկարատև ժամանակ ամրագրված են եղել։ Մենք այն իրականության մեջ ենք, որ ՄԻԵԴ-ում գործերի մեծ մասն արդար դատաքննության իրավունքի խախտումով է։ Այդ խախտումների ականների վրա ամեն կանգնելուց չպետք է շոկ ապրենք»,- ընդգծեց Լարիսա Մինասյանը։
Մանրամասները՝ տեսանյութում։
Նելլի Մելքոնյան
