18.10.2026 | 15:28
Հայաստանում ձմեռային զորակոչը կմեկնարկի նոյեմբերի 16-ին․ հայտնի են զորակոչի և զորացրման ժամկետները
Զոհրաբ Մնացականյան-Էլմար Մամեդյարով հանդիպումը տեղի կունենա շուտով. ՏԵՍԱՆՅՈՒԹ
Քաղաքականություն
06.09.2019 | 13:12
Հայաստանի և Ադրբեջանի ԱԳ նախարարների հաջորդ հանդիպումը նախանշված է, ծրագրված է, տեղի է ունենալու շուտով: Լրագրողների հետ հանդիպմանն այս մասին ասաց ՀՀ ԱԳ նախարար Զոհրաբ Մնացականյանը:
«Նորից ստիպված եմ ներողություն խնդրել, որ մենք ունենք համաձայնություն՝ միաժամանակ հայտարարելու հանդիպման մասին, ես, բնականաբար, չեմ ուզում այն խախտել»,- հավելեց նա:
Նախարարը նաև հիշեցրեց, որ նոր կառավարությունն ավելի քան մեկ տարվա ընթացքում ինտենսիվ շփումներ է ունեցել երկրների ղեկավարների և ԱԳ նախարարների մակարդակով:
«Ուզում եմ օգտվել առիթից և նորից անդրադառնալ այն իրողությանը, որ այս տարվա ընթացքում մեր կառավարությունը շատ հստակ արտահայտել է մեր մտադրությունների լրջությունը՝ ակտիվ աշխատելու խաղաղ կարգավորման գործընթացի ուղղությամբ: Եվ այս տարվա ընթացքում ԱԳ նախարարների և երկու երկրների ղեկավարների միջև հանդիպումների թիվն ի ցույց է դնում լրջությունը մեր մտադրությունների՝ աշխատել խաղաղ կարգավորման ուղղությամբ»,- ասաց Մնացականյանը:
ԱԳ նախարարն անդրադարձավ նաև վիզաների ազատականացման շուրջ տեղի ունեցող գործընթացին:
Մանրամասները՝ տեսանյութում:
