15.05.2026 | 19:19
Հայաստանի և Ղազախստանի ԱԳՆ-ների միջև անցկացվել են խորհրդակցություններ
«Աղբի գարշահոտությունից նյարդային համակարգի բավականին լուրջ խնդիրներ կարող են առաջանալ, ասթմա».Ա. Հարությունյան. ՏԵՍԱՆՅՈՒԹ
Հասարակություն
06.09.2019 | 11:57
Առողջապահական և աշխատանքի տեսչական մարմինը «Սանիթեքին» տուգանել է 100 հազար դրամով, 120 հազար դրամով։ Դրանք տարբեր վարչական վարույթների շրջանակներում են եղել. այս մասին այսօր Երևանի աղբահանության թեմայով քննարկման ընթացքում նշեց Առողջապահական և աշխատանքի տեսչական մարմնի սանիտարահիգիենիկ և հակահամաճարակային վերահսկողության վարչության պետ Աննա Հարությունյանը։
«Քաղաքապետարանն ավելի մեծ տուգանքի որոշում էր կայացրել, քան մենք։ Օրենքը մեզ թույլ չի տալիս 120 հազար դրամից ավելի վարչական տուգանք նշանակել։ Տուգանքի չափն այդքան էլ կարևոր չէ։ Այստեղ կարևոր է գիտակցումը, թե աղբի կուտակման հետևանքով ինչ վնաս կարող է հասցվել բնակչությանը․ աղբի գարշահոտությունից նյարդային համակարգի բավականին լուրջ խնդիրներ կարող են առաջանալ, ասթմա»,- ընդգծեց Աննա Հարությունյանը։
Մանրամասները՝ տեսանյութում։
Նելլի Մելքոնյան
