17.11.2024 | 12:09
Միսս Տիեզերք 2024-ի հաղթող է դարձել Դանիայի ներկայացուցիչը
Ինչպես է բերման ենթարկվել Մանվել Գրիգորյանի որդին. Ոստիկանությունը տեսանյութ է հրապարակել
Հասարակություն
05.09.2019 | 15:55
ՀՀ ոստիկանությունից տեղեկացնում են, որ սեպտեմբերի 4-ին ոստիկանության Վաղարշապատի բաժնի քրեական հետախույզներն օպերատիվ տվյալներ են ստացել, որ Երևան-Արմավիր ճանապարհին՝ Արշալույս համայնքի սկզբնամասում, երթևեկության հետ կապված հարցի շուրջ վիճաբանություն է տեղի ունեցել երկու երիտասարդի միջև։
«Այդ ընթացքում նրանցից մեկը ատրճանակը պարզել է մյուսի վրա ու կրակոց արձակել, ինչից հետո հեռացել է։ Վաղարշապատի ոստիկանները ստացած տվյալների իսկությունը ստուգելուց հետո կարճ ժամանակում հայտնաբերեցին Էջմիածնում ապրող 26-ամյա երիտասարդին ու խուլիգանություն կատարելու կասկածանքով բերման ենթարկեցին ոստիկանության Վաղարշապատի բաժին։
Բերման ենթարկվածը ոստիկաններին ներկայացրել է 9 մմ տրամաչափի գազային ատրճանակ։ Անձնական խուզարկությամբ էլ հայտնաբերվել է փականով դանակ։ Երիտասարդի վարած «Հունդայի» մակնիշի ավոտմեքենան տեղափոխվել է ոստիկանության Վաղարշապատի բաժնի պահպանվող հատուկ տարածք։
Նշանակվել են փորձաքննություններ։
Հանգամանքները պարզվում են»,- ասված է հաղորդագրությունում:
Նշենք, որ Shamshyan.com-ի տեղեկություններով բերման ենթարկվածը ԱԺ նախկին պատգամավոր Մանվել Գրիգորյանի որդին է:
