09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Ամուլսարի գործով քննչական խմբի ղեկավար Յուրա Իվանյանն ազատման դիմում չի գրել և աշխատանքից չի ազատվել․ ՔԿ
Հասարակություն
05.09.2019 | 13:45
Ամուլսարի գործով քննչական խմբի ղեկավար Յուրա Իվանյանն ազատման դիմում չի գրել և աշխատանքից չի ազատվել: Factor.am-ի հետ զրույցում այս մասին ասաց Քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը՝ անդրադառնալով մամուլում շրջանառվող լուրերին, թե Ամուլսարի գործով քննչական խմբի ղեկավար Յուրա Իվանյանն աշխատանքից ազատվել է:
«Նշանակվել է ծառայողական քննություն, այդ քննության արդյունքներից ելնելով կկայացվի որոշում»,- ասաց Հարությունյանը:
Ըստ նրա՝ ՔԿ-ն չի կարող առնչություն ունենալ Սամվել Ավետիսյանի՝ աշխատանքից ազատման հետ, քանի որ ՔԿ նախագահի տեղակալներին նշանակում և ազատում է ՀՀ վարչապետը:
Հիշեցնենք, որ երեկ լրատվամիջոցներում հրապարակումներ եղան այն մասին, որ Ամուլսարի գործով քննչական խմբի ղեկավար Յուրա Իվանյանն ազատման դիմում է գրել, աշխատանքից ազատվել է նաև ՔԿ նախագահի տեղակալ Սամվել Ավետիսյանը։
Աղավնի Սուքիասյան
