14.01.2026 | 17:47
Մարմարաշենում 14 մեքենա է բախվել
Հայտնի է, թե ում է մակագրվել «Զինված խմբի» գործը
Հասարակություն
05.09.2019 | 12:54
Չորս տարի շարունակ քննվող Նորքի զինված խմբի անդամների գործը, որը պետք է սկսվի 0-ից, Factor.am-ի տեղեկություններով մակագրվել է Երևանի ընդհանուր իրավասության դատարանի դատավոր Մեսրոպ Մակյանին։
Դատական նիստի օրը, սակայն, դեռևս հայտնի չէ։ Գործը նախկինում քննող դատավոր Արմեն Բեկթաշյանը նշանակվել է Վերաքննիչ քրեական դատարանի դատավոր։
Չորս տարիների ընթացքում այս գործով դատական նիստերը մեծապես հետաձգվում էին տարբեր պատճառներով։
Նշենք, որ այս գործով անցնում է 20 անձ, որպես զինված խմբի ղեկավար ներկայացվում է Արթուր Վարդանյանը, նա միակ ամբաստանյալն է, որը դեռևս անազատության մեջ է գտնվում:
Հիշեցնենք, որ 2015-ի նոյեմբերի 25-ին ԱԱԾ-ն հայտարարություն տարածեց այն մասին, որ Նորք-Մարաշում վնասազերծվել է զինված խումբ: Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել էր բռնությամբ զավթել իշխանությունը:
Լիլիթ Շաբոյան
