08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Երեխաների քաղաքի» կառուցումը խտրականություն է. բողոքի ակցիա կառավարության դիմաց. ՏԵՍԱՆՅՈՒԹ
Հասարակություն
05.09.2019 | 11:43
Կառավարությունն օգոստոսի 8-ին որոշում է կայացրել «Երեխաների քաղաք» նախագծի իրականացման նպատակով Արարատի մարզի Շահումյան և Տափերական համայնքներում «Հայկական Կարիտաս» բարեսիրական հասարակական կազմակերպությանը սեփականության իրավունքով անհատույց հողատարածքներ տրամադրել:
Նախագծի համաձայն՝ նշված համայնքների տարածքներում նախատեսվում է կառուցել քաղաք, որտեղ կիրականացվեն երեխաների խնամքին, առողջության պահպանմանը, դաստիարակությանը և զարգացմանը, կրթական ծառայությունների արդյունավետ կազմակերպմանն ուղղված ծրագրեր: Այդ քաղաքում ապահով օթևան կգտնեն հաշմանդամություն ունեցող և սոցիալապես անապահով շուրջ 600 երեխա և երիտասարդ՝ իրենց ընտանիքների հետ միասին, իսկ միջնորդավորված շահառու կարող է լինել մոտ 8.000 մարդ՝ Հայաստանի այլ մարզերից և մայրաքաղաքից:
Այսօր մի խումբ ծնողներ, որոնք ունեն հաշմանդամություն ունեցող երեխաներ, Կառավարության դիմաց բողոքի ակցիա էին իրականացնում ընդդեմ այս նախագծի: Նրանց խոսքով՝ սա խտրականություն է:
Ըստ ակցիայի մասնակիցների՝ խնդիրներ ունեցողներին առանձնացնում են հասարակությունից, սակայն դրա փոխարեն պետք է ամբողջ երկիրը հարմարավետ դարձնել հաշմանդամություն ունեցողների համար:
Մանրամասները՝ տեսանյութում:
Նարեկ Կիրակոսյան
