08.06.2026 | 16:44
Փաշինյանը հաղթեց․ տարածաշրջանի ապագան դեռ գրվելու փուլում է․ Դոնալդ Տուսկ
Քոչարյանը քրեական հետապնդումից կազատվի, թե՝ ոչ, հնարավոր է ասել ՍԴ որոշմանը ծանոթանալուց հետո․ պաշտպան. ՏԵՍԱՆՅՈՒԹ
Հասարակություն
04.09.2019 | 16:45
Կալանավորումը, որը մի քանի անգամ կիրառվել է ՀՀ երկրորդ նախագահ Ռոբերտ Քոչարյանի նկատմամբ, խախտել է վերջինի անձնական ազատության իրավունքը: Քոչարյանի դիմումների վերաբերյալ Սահմանադրական դատարանի որոշման եզրափակիչ մասի հրապարակումից հետո լրագրողների հետ զրույցում ասաց երկրորդ նախագահի պաշտպանական թիմի ներկայացուցիչ Արամ Վարդևանյանը:
Հարցին, եթե ՍԴ-ն Քրեական դատավարության 35-րդ հոդվածը հակասահմանադրական է ճանաչվել, չի՞ ստացվում, որ քրեական հետապնդում չպետք է սկսվեր Ռոբերտ Քոչարյանի նկատմամբ, Արամ Վարդևանյանն ասաց. «Այդ հարցի պատասխանը հնարավոր կլինի տալ բացառապես ՍԴ որոշմանը ծանոթանալուց հետո»:
Նա, միաժամանակ, պարզաբանեց, որ երբ կալանք է կիրառվում և կա անձեռնմխելիության առերևույթ խնդիր, «ոչ թե քրեական հետապնդումը նույն պահին բացառվում է, այլ պարզապես կալանքը չի կարող կիրառվել»:
«Եվ սա ոչ թե ես եմ ասել, այլ տարիներ առաջ ասել է Վճռաբեկ դատարանը»,- հավելեց նա:
Մանրամասները՝ տեսանյութում:
