27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Կայացվեց հակասահմանադրական որոշում. Ստյոպա Սաֆարյան
Քաղաքականություն
04.09.2019 | 15:45
Քաղաքագետ Ստյոպա Սաֆարյանը ֆեյսբուքի իր էջում արված գրառումներով անդրադարձել է Սահմանադրական դատարանի հրապարակած՝ Ռոբերտ Քոչարյանի դիմումի վերաբերյալ որոշմանը:
«Մավրերն արեցին իրենց գործը, Մավրերին կարող եք ճանապարհել գաղութ։ Կայացվեց հակասահմանադրական, հակաօրինական որոշում, որի համար ՍԴ անկարգավիճակ, իրենք իրենց սահմանադրությունից դուրս դրած անդամները վերազանցել են լիազորորությունները, ավելի ստույգ՝ իկրենց վերապահել են չունեցած լիազորություններ։ Պահանջում եմ ՀՀ իշխանություններից չկատարել ՍԴ ապօրինի որոշումը։ Խափանման միջոցի ընտրությունը՝ կալանավորումը չի կարող որևէ կերպ կապվել նախագահի գործառույթային անձեռնմխելիության հետ, մանավանդ, որ նախագահի պաշտոնն զբաղեցրած անձը քրեական հետապնդման տակ է ու կարող է խոչընդոտել դատաքննությանը, իսկ իրականում՝ արդեն իսկ քանի ամիս խոչընդոտում է»,- գրել է նա, ապա քիչ անց հավելել. «Պոյ․․․․ 35 հոդվածը չի նախատեսել նախագահի գործառութային անձեռնամխելիության հիմքը, որով խախտվել է մեղադրյալի ազատ տեղաշարժի իրավունքը։ Սա հայոց բռնաբարված իրավագիտական մտքի արգասիքն է, ու մոռանում են, որ ներկայումս քրեական գործ հարուցված է ոչ ամենևին գործող նախագահի հանդեպ, որի վրա տարածվեր գործառույթային անձեռնամխելիությունը, այլ շատ նախկին նախագահի, որը մեղադրվում է ծանրագույն հանցագործության մեջ․․․»:
Ավելի ուշ քաղաքագետը միմյանց լրացնող ևս երկու գրառում է կատարել.
«Քոչարյանի հանդեպ հարուցված մեղադրանքը չի վերաբերում սահմանադրորեն նրան վերապահված գործառույթների կատարմանը։ Մեղադրանքը վերաբերում է սահմանադրության խախտումով կատարած հանցագործությանը։ Հանկարծ չուրախանաք։ Որոշումը չի կարող ի կատար ածվել, որովհետև այն Քոչարյանի կալանքի հիմքի վրա չի տարածվում և վերջ»:
Ու ապա՝
«Չափազանց կարևոր է լինելու ՀՀ դատախազության և ՀՔԾ մեկնաբանությունը։ Համբերատար ու առանց էմոցիաների սպասեք։ Ոչինչ չի փոխվելու։ Վստահ եմ։ Ու դա ճիշտն է, դա օրինականն է»:
