11.01.2025 | 10:54
Օդում նկատվող սառցե բյուրեղները ձյան տեղումներ չեն․ Գագիկ Սուրենյան
Քոչարյանի և մյուսների բուն գործով նիստի օրը հայտնի է. ըստ Ալումյանի՝ դատավորը խախտումներ է թույլ տվել. ՏԵՍԱՆՅՈՒԹ
Հասարակություն
03.09.2019 | 15:36
Եթե Սահմանադրական դատարանը համաձայնեց մեր փաստարկների հետ, ապա կստացվի, որ Ռոբերտ Քոչարյանի վերաբերյալ կայացրած որոշումները պետք է վերանայվեն: Լրագրողների հետ զրույցում այս մասին ասաց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը:
Փաստաբանը տեղեկացրեց նաև, որ Քոչարյանի և մյուսների բուն գործով առաջին իսկ դատական նիստին՝ սեպտեմբերի 12-ին, Քոչարյանի խափանման միջոցի հարց են բարձրացնելու:
«Օրենքն ասում է, որ դատավորն ինքը օրենքի ուժով պետք է քննություն իրականացներ խափանման միջոցի վերաբերյալ: Հիմա ինքը դա չարեց, հետևաբար՝ ստիպված ենք լինելու ինքներս դա բարձրացնել, և բարձրացնելու ենք առաջին իսկ դատական նիստի ժամանակ»,- ասաց Հայկ Ալումյանը:
Պաշտպանը նաև չբացառեց, որ, հնարավոր է, դատավորին ինքնաբացարկի միջնորդություն ներկայացվի:
Մանրամասները՝ տեսանյութում:
