09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Սահմանադրական դատարանը հանցավոր ռեժիմի գործիքներից է, նա է կեղծված ընտրությունները հաստատել. Նինա Կարապետյանց. ՏԵՍԱՆՅՈՒԹ
03.09.2019 | 14:47
«Այս պահի դրությամբ Սահմանադրական դատարանը լեգիտիմ չէ։ Դա միանշանակ է և կասկած չկա։ Ես զարմանում եմ, որ իրենք այս կազմով որոշում կայացնելու փորձեր են անում։ Սա պիտի կանխվեր նախապես, արդարադատական ամբողջ համակարգը լինելու է հեղափոխության տապալման գլխավոր հերոսը»,- ՍԴ բակում լրագրողների հետ զրույցում ասաց իրավապաշտպան Նինա Կարապետյանցը։
Հիշեցնենք, ՍԴ-ն այսօր քննում է Ռոբերտ Քոչարյանի ներկայացուցիչների բողոքները:
Որոշումը կհրապարակի վաղը՝ օրվա երկրորդ կեսին, և եթե բոլոր փաստարկները ընդունվեն, ըստ Քոչարյանի պաշտպան Հայկ Ալումյանի, Ռոբերտ Քոչարյանը պետք է անհապաղ ազատ արձակվի։
Նինա Կարապետյանցը, սակայն, ասաց՝ Սահմանադրական դատարանն այս կազմով չի կարող քննել Քոչարյանի դիմումը. «Սահմանադրական դատարանը հանցավոր ռեժիմի գործիքներից մեկն է, նաև այս դատարանի ուժերով են կեղծված ընտրությունները հաստատվել։ Այս դատարանը ոչ լեգիտիմ կազմով ի վիճակի չէ այլ կերպ ընկալելու իրավունքը։ Այս դատարանից ոչ մի օրինական և բարոյական քայլ չեմ սպասում»:
Մանրամասները՝ տեսանյութում:
Ռոբերտ Անանյան
