02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Արմեն Գևորգյանը դատի է տվել «Իմ քայլի» պատգամավոր Արուսյակ Ջուլհակյանին ու փաստաբան Մուշեղ Շուշանյանին
Հասարակություն
03.09.2019 | 15:16
Ազգային անվտանգության խորհրդի նախկին քարտուղար, ՀՀ երկրորդ նախագահի աշխատակազմի ղեկավար Արմեն Գևորգյանը դատական հայց է ներկայացրել ԱԺ «Իմ քայլը» խմբակցության պատգամավոր Արուսյակ Ջուլհակյանի և փաստաբան Մուշեղ Շուշանյանի դեմ՝ պահանջելով, որ պատգամավորն ու փաստաբանը հերքեն վիրավորանք և զրպարտություն համարվող տեղեկությունները, հրապարակային ներողություն խնդրեն և փոխհատուցեն՝ պատճառված բարոյական վնասի համար։
Այս մասին Factor.am-ը տեղեկանում է Դատալեքս տեղեկատվական հարթակից։
Նշենք, որ փաստաբան Մուշեղ Շուշանյանը ասուլիսներից մեկի ժամանակ նշել էր, որ Ռոբերտ Քոչարյանի աշխատակազմի ղեկավարն է ներգրավված եղել, մասնակցել կոռուպցիոն գործընթացներին, իսկ պատգամավոր Արուսյակ Ջուլհակյանն էլ ասել էր, որ Քոչարյանի կառավարման տարիներին քաղաքացիների զանգվածային ունեզրկումներն իրականացվել են նախագահի աշխատակազմի ղեկավար Արմեն Գևորգյանի համակարգման միջոցով։
Նշենք, որ հայցադիմումը մակագրվել է Երևան քաղաքի դատարանի դատավոր Արթուր Ստեփանյանին։
