14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ռուսական գազի գինը ձեռնտու է մեզ, իսկ իրանական գազը, եթե անգամ կանխիկով ստանանք, ավելի լավ պայմաններով չի առաջարկվել․ Իրանում ՀՀ դեսպան․ ՏԵՍԱՆՅՈՒԹ
Քաղաքականություն
03.09.2019 | 13:53
Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արտաշես Թումանյանի համոզմամբ՝ թեև վարչապետ Նիկոլ Փաշինյանի՝ Իրան կատարած այցի ժամանակ բաց տեքստով հայտարարվեց, որ Իրանը պատրաստ է ավելի մեծ քանակությամբ գազ առաքել Հայաստան, սակայն կան բազմաթիվ խնդիրներ այդ հայտարարությունն իրականություն դարձնելու համար։
Այս մասին այսօր Ազգային ժողովի Տարածաշրջանային և եվրասիական ինտեգրման հարցերի մշտական հանձնաժողովում «Եվրասիական և տարածաշրջանային ինտեգրման արդի հիմնախնդիրները» թեմայով քննարկման ժամանակ ասաց Իրանի Իսլամական Հանրապետությունում ՀՀ արտակարգ և լիազոր դեսպանը՝ խնդիրների մասին առավել հանգամանալից խոստանալով խոսել հանձնաժողովի արդեն դռնփակ նիստի ժամանակ։
«Գազի հետ կապված մի ուրիշ իդեա էլ կա, իդեա, որովհետև դեռ փաստաթուղթ չկա։ Ըստ այդ իդեայի՝ թուրքմենական գազը կարող է մեր տարածաշրջանով անցնել և այդ գազը կարող ենք փոխանակել իրանական գազի հետ։ Հայտարարեմ, որ ռուսական գազի գինը ձեռնտու է մեզ, այն միջազգային գնից ծացր է, իսկ իրանական գազը, եթե անգամ մենք կանխիկով ստանանք, ավելի լավ պայմաններով չի առաջարկվել»,- ասաց Արտաշես Թումանյանը։
Մանրամասները՝ տեսանյութում։
