15.12.2025 | 12:31
ՖԻՖԱ․ Ֆուտզալի Հայաստանի հավաքականը նահանջել է դասակարգման աղյուսակում
Հանկարծ դարի բացահայտումները սկսեցիք անել ու նենգաբար հետեւիցս խոսել. Ռուբեն Հայրապետյան
Հասարակություն
31.08.2019 | 18:00
Որոշ մարդիկ իրենց շահերն առաջ տանելու նպատակով փորձում են սուտ լուրեր տարածել, թե ուսանողների այս անկեղծ ու մասշտաբային կամարտահայտությունն ուղղորդվում է իմ կողմից եւ, զուգահեռաբար, հրահանգավորված զանգերով, նամակներով, ուսանողների հետ զրույցներով հակաքարոզ են սկսել իմ դեմ: Այս մասին ֆեյսբուքյան իր էջում գրել է ՀՊՏՀ ռեկտորի նախկին պաշտոնակատար Ռուբեն Հայրապետյանը։
«Ուզում եմ ընդամենն ասել, որ նման արտահայտություն անողները վերջնականապես բացահայտում են իրենց ամբողջ քամահրանքը ուսանողների նկատմամբ: Իրենք հենց այդ կարծիքն ունեն ուսանողների մասին, որ նրանց կարելի է «օգտագործել»:
Դուք գոնե մոտավոր պատկերացնո՞ւմ եք, թե ում մասին եք խոսում, տեսե՞լ եք նրանց պայծառ դեմքերը, ընկալե՞լ եք նրանց խոսքի որակը: Այս երիտասարդները ձեզնից եւ ինձնից առաջադեմ ու ինքնուրույն են:
Թե բա՝ ուղղորդել… Ուղղորդումներն ու դավադրությունները ձեր ոճն է, հարգելինե’րս. փաստերն առկա են: Անգամ ֆեյսբուքում եք հրահանգում նյութ տարածել, որ մի քանի հատ «share» երեւա: Մեր տարբերությունը հենց դա է. ինձ սատարող մարդկանցից ոչ ոք իրեն թույլ չի տալիս ձեզ պես զանգել ուսանողներին կամ գրել՝ վատաբանելով այլոց: Այդ առիթից օգտվելով՝ ամենօրյա ռեժիմով ուսանողներին քարոզում եք, թե իբր բոլորը իմ դեմ են ու թե բարեփոխումները խախտումներով են եղել: 7 ամիս ոչինչ չէիք նկատում, մեկ էլ հանկարծ դարի բացահայտումները սկսեցիք անել ու նենգաբար հետեւիցս խոսել: Ցավում եմ, որ այդ գործով զբաղվում են նաեւ մի քանի մոլորյալ գործընկերներ, ովքեր մեծ ճնշման տակ են:
Իմ շրջապատի մարդկանց դասաժամերն եք կրճատում, խոշորացույցով ընկած ամբողջ թիմով ֆինանսական խնդիրներ եք փնտրում, այն դեպքում երբ ես նույնիսկ սեփական գրպանից էի գումար ծախսում, երբ գնումների գործընթացը ձգվում էր: Բոլոր օղակների հնարավոր թերացումները (այդ թվում ձեզնից մի քանիսի անմիջական պատասխանատվության միտումնավոր խախտումները) փորձում եք վերագրել բարձրագույն ղեկավարին՝ չհասկանալով, որ ձեր իսկ դեմ է դուրս գալու այդ ամենը: Ախր ամո’թ է, հարգելի’ գործընկերներ, դուք եւս շատ լավ գիտեք, թե ինչքան ծիծաղելի է ձեր արածը:
Սեփական շահամոլ արժեհամակարգով կշռված հայտարարությունների փոխարեն լրջացե’ք եւ հասկացե’ք, որ, անկախ շարժման կարճաժամկետ արդյունքից, սա մեծագույն հաղթանակն է միջնաժամկետ եւ երկարաժամկետ հեռանկարներում:
Հ.Գ. Անգամ տեղյակ չեմ, թե ով է վարում «Հանուն որակյալ կրթության» էջը, բայց բնական է, որ ձեր աշխարհընկալումը ձեզ թույլ չի տա հավատալ»,–նշել է նա:
