22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
«Լիդիան»-ի տրամադրած տվյալներն այնքան թերի էին, որ չէինք կարողանա բացասական հետևանքների հաշվարկ անել. «Էլարդ»-ի ներկայացուցիչ. ՏԵՍԱՆՅՈՒԹ
Հասարակություն
30.08.2019 | 18:46
Ամուլսարի հարցով փորձաքննություն իրականացրած լիբանանյան «Էլարդ» ընկերության հետ տեսակապի միջոցով քննարկման ժամանակ «Լիդիան Արմենիա»-ի ներկայացուցիչը հարց ուղղեց «Էլարդ»-ի փորձագետներին. «Արդյո՞ք կատարվել է գնահատական, որի արդյունքում հնարավոր է եղել չափել կամ դուք չափել եք, թե ինչքանով չեն բավարարում մեր առաջարկված միջոցառումները: Դրանց կիրառման արդյունքում առաջացած ազդեցությունն ինչքանո՞վ չի համապատասխանում Հայաստանի կամ միջազգային համապատասխան ստանդարտներին»:
«Էլարդ»-ի ներկայացուցիչը նշեց, որ իրենց գնահատականում չեն կարողացել թվայնացնել ազդեցությունը:
«Մենք չենք կարողացել թվայնացնել այդ ազդեցությունը երկու պատճառով: Առաջինն այն է, որ դա մեր հանձնարարության մեջ չէր: Մենք պետք է գնահատեինք «Լիդիան»-ի ներկայացրած ՇՄԱԳ-ը: Երկրորդ, եթե նույնիսկ դա մեր ընդգրկման մեջ լիներ, «Լիդիան»-ի ներկայացրած տվյալներն այնքան թերի են, որ մենք չէինք կարողանա այդ հաշվարկն անել առհասարակ»,- նշեց «Էլարդ»-ի փորձագետը:
Մանրամասները՝ տեսանյութում:
