Սևանի վրա Ամուլսարի շահագործման ազդեցության վերաբերյալ «Էլարդ»-ի պարզաբանումը. ՏԵՍԱՆՅՈՒԹ

Մեր թիմն այն կարծիքին է, որ 2016 թվականին իրականացված ՇՄԱԳ-ն և նախագիծը բավարար չեն՝ Ամուլսարի հանքն ապահով շահագործելու համար: Կառավարության անցկացրած տեսակոնֆերանսի ժամանակ այս մասին ասաց լիբանանյան «Էլարդ» ընկերության փորձագետը:

«Եվ սա հստակ փաստաթղթավորված է մեր եզրակացության մեջ: Ընկերությունը նախ պետք է թարմացնի ՇՄԱԳ-ը, որպեսզի կարողանա հաստատել, որ մեղմման միջոցառումները հաստատվել են՝ նախքան մենք կկարողանանք ևս կարծիք հայտնել»,- ասաց փորձագետը՝ հավելելով, որ ելնելով «Էլարդ»-ի եզրակացությունից՝ շրջակա միջավայրի վրա ազդեցությունները պատշաճ չեն կառավարվում:

«Էլարդ»-ում կարծում են, որ ազդեցության գնահատումը պետք է թարմացվի և արդիականացվի, իսկ մի շարք ուսումնասիրություններ պետք է ընդլայնվեն կամ վերանայվեն:

ԱԺ «Իմ քայլը» խմբակցության պատգամավոր Վարազդատ Կարապետյանի հարցին՝ արդյո՞ք 2016 թվականին տված ՇՄԱԳ ուսումնասիրության արդյունքների հիման վրա կարելի է պնդել, որ հանքի շահագործումն ազդեցություն չի ունենա Սևանա լճի վրա, փորձագետը պատասխանեց. «Հաշվի առնելով ջրբաժանի ծավալները, որը սնում է Սևանա լիճը, զանազան վտառները, գետերը և այլ ռեսուրսներ, որոնցով սնվում է լիճը, հանքից ստորերկրյա ջրերի նպաստը համեմատաբար փոքր է՝ հաշվի առնելով ընդհանուր ջրբաժանի ջրի ծավալը, որից սնվում է Սևանը: Այսինքն՝ ցանկացած ազդեցությունը, եթե անգամ լինի, կլինի նվազագույն: Մեր կարծիքով, եթե նաև մեղմման միջոցառումները ձեռնարկվեն, ընդհանրապես ոչ մի ազդեցություն չի լինի»:

Մանրամասները՝ տեսանյութում: