08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Սերժ Սարգսյանի օրոք բեսպրեդել չի եղել». Բարսեղ Բեգլարյան. ՏԵՍԱՆՅՈՒԹ
Հասարակություն
30.08.2019 | 13:49
Նա կեղծ ցուցմունքներ է տալիս, ոչ մի բանից տեղյակ չէ։ Այս մասին Factor.am-ի հետ զրուցում ասաց գործարար Բարսեղ Բեգլարյանը՝ անդրադառնալով «Ֆլեշ» ՍՊԸ-ի տեխնիկական գծով նախկին տնօրեն Արմեն Խալաթյանի այն ցուցմունքին, որ զենքի սպառնալիքով ընկերության նախկին կոմերցիոն տնօրենից պահանջել են իր բնակարանը փոխանցել Բեգլարյանների անունով։
«Ինքնիրավչության ոչ մի էլեմենտ չկա, այս վկան շահագրգիռ է, ցուցմունք է տալիս բողոքողի օգտին, բայց իր ասածներն իրականություն չեն։ Ես նրա տան կարիքը չեմ ունեցել»,- ասաց նա։
Դիտարկմանը, որ Սերժ Սարգսյանի իշխանության շրջանում «բեսպրեդելը» տարածված էր, և նրա շրջապատն էլ օգտվում էր դրանից, Բարսեղ Բեգլարյանն արձագանքեց, որ նման բան չի եղել։
Հիշեցնենք, որ «Ֆլեշ» ՍՊԸ-ի նախագահ Բարսեղ Բեգլարյանին և «Ֆլեշ» ՍՊԸ-ի «Քանաքեռ» բազայի պետ Հրայր Հովսեփյանին մեղադրանք է առաջադրվել՝ ՀՀ Քրեական օրենսգրքի 322-րդ հոդվածի 2-րդ մասով նախատեսված բռնություն գործադրելու սպառնալիքներով ինքնիրավչություն կատարելու համար։ Հրայր Հովսեփյանի նկատմամբ որպես խափանման միջոց է ընտրվել ստորագրություն՝ չհեռանալու մասին, իսկ Բարսեղ Բեգլարյանի նկատմամբ ընտրված խափանման միջոցը դատախազությունը փոխել էր անձնական երաշխավորությամբ, իսկ ավելի ուշ նրա նկատմամբ ընտրված խափանման միջոցը վերացվել էր։
Մանրամասները՝ տեսանյութում։
Նարեկ Կիրակոսյան
