Քաղաքականություն
29.08.2019 | 15:09ԼՂ հակամարտության կարգավորման հարցում մենք բավական հետևողական ենք մեր դիրքորոշումներում: Լրագրողների հետ ճեպազրույցում այս մասին ասաց ՀՀ ԱԳ նախարար Զոհրաբ Մնացականյանը:
«Մենք խոսել ենք կարգավիճակի մասին: Ես նկատեցի, որ որոշ մեկնաբանություններ կան, որ մենք առավել բացել ենք այդ շրջանակները: Բազմաթիվ առիթներ ունեցել ենք ասելու՝ բացել ենք, ավելի լայն ենք խոսել, բայց միշտ նույն բանի մասին ենք խոսել: Մեզ համար բանակցային գործընթացը շարունակական է, մենք ունենք մեր մոտեցումներն ու դիրքորոշումները: Մենք խոսել ենք դրանց համադրության անհրաժեշտության մասին, խոսել ենք, թե ինչ է նշանակում կարգավիճակ, ինչ է նշանակում անվտանգություն, խաղաղությանն այլընտրանք չկա, ինչ է նշանակում Ղարաբաղի մասնակցություն և այլն, և այլն: Ես հիմա նորից կարող եմ անդրադառնալ իմ ելույթին, վարչապետն էլ խոսել է Ստեփանակերտում»,- ասաց նախարարը:
Անդրադառնալով Հայաստանում հնչող ցանկացած հայտարարությանն ադրբեջանական արձագանքին և հայկական կողմին ուղղված իրավիճակի սրման վերաբերյալ մեղադրանքներին՝ Զոհրաբ Մնացականյանը նշեց. «Ես չեմ ուզում առանձնապես մեծ նշանակություն տալ, դա մտնել է մի դաշտ, որն ինձ համար առանձնապես հետաքրքիր չի»:
Ինչ վերաբերում է բանակցային գործընթացին, ԱԳ նախարարն այս տարվա գործընթացը բավական դինամիկ է գնահատում:
Մանրամասները՝ տեսանյութում:
