22.04.2026 | 11:28
Թուրքիայում ռազմական ուղղաթիռ է կործանվել
Քրեական ենթամշակույթ կրողները բանտը համարում են իրենց տունը․ նրանց բոլորին պետք է ուղարկել այնտեղ ապրելու․ Փաշինյան․ ՏԵՍԱՆՅՈՒԹ
Քաղաքականություն
29.08.2019 | 14:15
Կառավարությունն այսօր ընդունեց որոշման նախագիծ, որով նախատեսվում է փոփոխություններ և լրացումներ կատարել ՀՀ քրեական օրենսգրքում՝ տալով հնարավորություն օրենքով պայքարել քրեական ենթամշակույթ կրողների, քրեական հեղինակությունների և «օրենքով գողերի» դեմ։
Նախագծի զեկուցող արդարադատության նախար Ռուստամ Բադասյանը նշեց, որ նախատեսվում է քրեական պատասխանատվություն սահմանել այնպիսի արարքների համար, որոնք մարտահրավեր են համարվում հասարակության ու պետության համար։
Այդպիսի պատասխանատվություն է սահմանվում քրեական աստիճանականությամբ բարձրագույն կարգավիճակ տալու, ստանալու, քրեական ենթամշակույթով խմբավորում ստեղծելու, ղեկավարելու, քրեական ենթամշակույթ կրող խմբավորմանը մասնակցելու կամ ներգրավվելու համար։
Նախագծի վերաբերյալ վարչապետ Փաշինյանը նկատեց, որ խոսք վերաբերում է «օրենքով գողերին, սխոդկաներին և այս կարգի այլ երևույթներին»։
«Սա շատ տրամաբանական նախագիծ է, որովհետև այս ենթամշակույթի մարդիկ բանտը համարում են իրենց տունը։ Հետևաբար, նրանց բոլորին պետք է ուղարկել իրենց տանն ապրելու»,- ասաց Նիկոլ Փաշինյանը։
