14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Քրեակատարողական հիմնարկներում շարունակում է խնդիր մնալ բժշկական անձնակազմի անկախությունը․ ՄԻՊ ներկայացուցիչ․ ՏԵՍԱՆՅՈՒԹ
Հասարակություն
28.08.2019 | 12:15
Քրեակատարողական ոլորտում նախկինում եղել է 20-ամյա ռազմավարություն, հետևաբար Արդարադատության նախարարության ներկայացրած նոր ռազմավարությունը Մարդու իրավունքների աշխատակազմը ողջունում է, քանի որ այս նոր ռազմավարությամբ ամրագրված են այնպիսի չափանիշներ, որոնք կարևորվում են Մարդու իրավունքների եվրոպական դատարանի, Խոշտանգումների կանխարգելման եվրոպական կոմիտեի կողմից։
Այս մասին այսօր «ՀՀ քրեակատարողական և պրոբացիայի ոլորտի 2019-2023 թթ․ ռազմավարության նախագծի» վերաբերյալ կազմակերպված քննարկման ժամանակ ասաց ՄԻՊ աշխատակազմի ներկայացուցիչ Վահե Հարությունյանը։
«Մենք շատ կարևոր ենք համարում այս ռազմավարությամբ մարդու իրավունքների ապահովմանն ուղղված միջոցառումները, իսկ ինչ վերաբերում է հիմնական խնդիրներին, ապա պետք է նշեմ, որ ՔԿՀ-ներում շարունակում է խնդիր մնալ բժշկական որակյալ ծառայությունների մատուցումը, բժշկական անձնակազմի անկախությունը, թեև այս ռազմավարության նախագծով նշված է, որ բժշկական անձնակազմը առանձնանում է ՔԿՀ-ից, սակայն միևնույնն է, գործնական մակադակում այդ անկախության հարցը շարունակում է կարևոր մնալ»,- ասաց Հարությունյանը։
Հիշեցնենք, որ Արդարադատության նախարարությունը E-draft.am կայքում հրապարակվել է «ՀՀ քրեակատարողական և պրոբացիայի ոլորտի 2019-2023 թթ. ռազմավարությունը, դրա իրականացման 2019-2023 թթ. միջոցառումների ծրագիրը և դրա կատարումը համակարգող խորհրդի ձևավորման և գործունեության կազմակերպման կարգը հաստատելու մասին» ՀՀ կառավարության որոշման նախագիծը։
Մանրամասները՝ տեսանյութում։
Աղավնի Սուքիասյան
