14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կոնվենցիան նույնասեռականներին ընտանիք կազմելու հնարավորություն չի տալիս. Ռուստամ Բադասյան. ՏԵՍԱՆՅՈՒԹ
Հասարակություն
26.08.2019 | 15:54
Ստամբուլյան կոնվենցիայի հարցով Վենետիկի հանձնաժողովին Հայաստանը դիմել է` որոշակի դրույթների շուրջ մեկնաբանություն ստանալու համար: Այս մասին ԱԺ-ում լրագրողների հետ զրույցում ասաց արդարադատության նախարար Ռուստամ Բադասյանը:
«Ընտանիքի կազմին կարող է վերաբերվել, որը բացարձակ անհեթեթություն է: Վրaստանի օրինակով կարող ենք նայել, որ այնտեղ էլ Կոնվենցիայի վավերացումից առաջ և հետո ընտանիքի սահմանումը շարունակում է մնալ կնոջ և տղամարդու միությունը»,- ասաց նախարարը:
Factor.am-ի դիտարկմանը, որ Կոնվենցիայում նշված է, թե պետք է պաշտպանել բոլոր խոցելի խմբերի սեռական իրավունքները, և չի նշվում, թե ովքեր են այդ խմբերը, քանի որ կարող են լինել նաև նույնասեռական անձինք, նախարարը մեկնաբանեց. «Իսկ այսօրվա օրենսդրությամբ թույլատրվո՞ւմ է միասեռականին բռնության ենթարկել: Որ բռնության ենթարկեն, և նա դիմի Ոստիկանություն, ասելու են՝ դու միասեռական ես, քեզ չե՞նք պաշտպանելու»:
Ռուստամ Բադասյանն ընդգծեց, որ Կոնվենցիայի վավերացմամբ նույնասեռականները չեն կարող ընտանիք կազմել. «Պետությունը չի ճանաչի նրանց ամուսնությունը, որովհետև Կոնվոնցիայով որևէ բան չի փոխվում: Բացառում եմ, որ Կոնվենցիան միասեռականներին ընտանիք կազմելու հնարավորություն է տալու»:
Մանրամասները՝ տեսանյութում:
Նարեկ Կիրակոսյան
