06.10.2026 | 16:30
ԱԺ-ում հայտարարությունների ժամ է. ՈՒՂԻՂ
Պաշտոնյաները հայտարարագրելու են արտասահմանյան բանկերում բացվող հաշիվները. Ռուստամ Բադասյան. ՏԵՍԱՆՅՈՒԹ
Քաղաքականություն
26.08.2019 | 14:13
Ցանկացած պաշտոնյա և պաշտոնի հավակնող ցանկացած անձ պետք է լիազորված մարմնին նոտարով հաստատված լիազորագիր տա, որ այդ մարմինը կարողանա այդ անձնավորության անունից աշխարհի ցանկացած վայրում փնտրել և գտնել նրա ունեցվածքի մասին տեղեկություններ: Այս մասին նախընտրական քարոզարշավի ժամանակ հայտարարել էր ՀՀ վարչապետ Նիկոլ Փաշինյանը:
ԱԺ-ում Կոռուպցիայի դեմ պայքարի 2019-22 թթ. ռազմավարությունը քննարկելիս վարչապետի այս խոստումը հիշեցրեց ԱԺ փոխնախագահ Լենա Նազարյանը և արդարադատության նախարար Ռուստամ Բադասյանից հետաքրքրվեց՝ այդ գործիքը ե՞րբ է ներդրվելու: Նախարարն ասաց, որ պաշտոնյայի հայտարարագրում առանձին տեղ է լինելու նրա բանկային հաշիվների հետ կապված:
«Պաշտոնյաները հայտարարագրելու են արտասահմանյան բանկերում բացվող հաշիվները»,- ասաց նախարարը, իսկ լիազորագրի հետ կապված նշեց. «Լիազորագրերի հետ կապված այս փուլում չասեմ, բայց հանձնարարականը բովանդակային առումով կկատարվի անպայման: Լիազորագիրը, միգուցե, լավ է, բայց պետք է ինստիտուցիոնալ համակարգ աշխատի»:
Նախարարը նշեց, որ մասնագետների խնդիր կա, և մինչև կադրային համակարգը չբարելավվի, լիազորագրի համակարգը ներդնելը խնդիրներ կառաջացնի:
Մանրամասները՝ տեսանյութում:
Նարեկ Կիրակոսյան
