14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«Շշի Մելոն» ցուցմունք է տվել և ներկայացրել իր դեմ իրականացված մահափորձի շարժառիթը. «Փաստինֆո»
Հասարակություն
24.08.2019 | 13:56
«Փաստինֆո»-ն ավելի վաղ տեղեկացրել է, որ ԱԺ նախկին պատգամավոր, գործարար Մելիք Մանուկյանը օգոստոսի 2-ին իր դեմ իրականացված մահափորձի գործով ցուցմունք է տվել՝ ներկայացնելով մահափորձի շարժառիթն ու մանրամասները։ Մեր աղբյուրների փոխանցմամբ՝ Մելիք Մանուկյանն ասել է, որ իր դեմ իրականացված մահափորձի պատճառը դեռևս երկու տարի առաջ իր ապակե տարաների գործարանում տեղի ունեցած միջադեպն է։ Կասկածներ կան, որ իր դեմ իրականացված մահափորձի պատվիրատուն քրեական հեղինակություն համարվող Ազատանցի Պետոն է։
«Փաստինֆո»-ի հետ զրույցում տուժողի ներկայացուցիչ Հրանտ Գևորգյանը հաստատեց միայն, որ Մելիք Մանուկյանը մեկ շաբաթ առաջ ցուցմունք է տվել, սակայն չներկայացրեց մանրամասները. «Նա նկարագրել է՝ ինչն է մահափորձի պատճառը, բայց ցուցմունքի մնացած բովանդակությունն արդեն նախաքննական գաղտնիք է»,-ասաց Հրանտ Գևորգյանը։
Նշենք, որ ավելի վաղ Հրանտ Գևորգյանը կայքի հետ զրույցում նշել էր, որ Մելիք Մանուկյանը հայտարարել է՝ պայթյունի պահին ավտոմեքենայի մեջ չի եղել։ Երբևէ չի տեսել իր նկատմամբ մահափորձ կատարողներին և չի ճանաչում նրանց։
Ամբողջությամբ՝ սկզբնաղբյուր կայքում:
