09.10.2026 | 18:43
Հայաստանի լրագրողների ֆուտբոլի հավաքականը կմասնակցի Կոտե Մախարաձեի անվան հուշամրցաշարին
Արտակ Սարգսյանը՝ ՍԱՍ-ի Արտակը, հարցաքննվել է
Հասարակություն
22.08.2019 | 17:07
Երևանի Իսահակյան փողոցում գտնվող «Terrazza» ռեստորանի տարածքում hունիսի 5-ին տեղի ունեցած խուլիգանության դեպքի առթիվ հարուցված քրեական գործի շրջանակում օրերս հարցաքննվել է ԱԺ նախկին պատգամավոր Արտակ Սարգսյանը՝ ՍԱՍ-ի Արտակը։
Factor.am-ի հետ զրույցում այս մասին հայտնեց Քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը։
Ավելի վաղ հայտնել էինք, որ Արտակ Սարգսյանը ՔԿ է հրավիրվել երկրորդ անգամ, քանի որ առաջին անգամ չէր ներկայացել հարցաքննության՝ երկրում չլինելու պատճառով:
Հիշեցնենք, որ հունիսի 5-ին Իսահակյան փողոցում գտնվող «Terrazza» ռեստորանի տարածքում միջադեպ էր տեղի ունեցել Արտակ Սարգսյանի` ՍԱՍ-ի Արտակի մասնակցությամբ: Արտակ Սարգսյանը, սակայն, Ոստիկանությունում բացատրություն էր տվել և հերքել իր մասնակցությունը միջադեպին։
