02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
ՀՀ-ում վերահսկող օղակները բացակայում են․ Ոստիկանությունը ենթարկվում է միայն վարչապետին․ Սոսի Թաթիկյան․ ՏԵՍԱՆՅՈՒԹ
Հասարակություն
22.08.2019 | 14:30
Ներքին գործերի նախարարությունն անհրաժեշտություն է, քանի որ երբ վերահսկման օղակները շատ են լինում, այդ վերահսկողությունը լավ է իրականացվում, իսկ ՀՀ-ում այդ վերահսկող օղակները բացակայում են՝ Ոստիկանությունը ենթարկվում է միայն վարչապետին. այս մասին այսօր «Պայքար՝ հանուն Ամուլսարի. գնահատականներ Ոստիկանության գործողություններին» թեմայով թննարկման ժամանակ ասաց հանրային կառավարման մասնագետ Սոսի Թաթիկյանը։
«Մենք գտնվում ենք անցումային իրավիճակում, որին բնորոշ են դժգոհությունները։ Բոլոր այն երկրներում, որտեղ մի համակարգից մյուս համակարգի անցում է տեղի ունենում, նման դժգոհություններ լինելու են, իսկ քանի որ մենք հավակնում ենք ժողովրդավարական պետություն լինելուն՝ ցույցեր լինելու են։ Ես հույս ունեմ, որ այն դեպքերը, որոնք տեղի ունեցան Իջևանում և Ամուլսարի հարցով վերջին հավաքի ժամանակ, հենց այս սկզբնական փուլում կկանխվեն, քանի որ հակառակ պարագայում դրանք կբերեն ավելի խորքային խնդիրների, որոնք կվնասեն երկրի իմիջը»,- ասաց Թաթիկյանը։
Վերջինիս խոսքով՝ ժողովրդավարական երկրում Ոստիկանությունը երբեք չպետք է դիտարկվի որպես ուժ, այն պետք է իրականացնի ծառայություն և ծառայի ժողովրդին՝ հասարակական կարգի ամրապնդմանը։
Մանրամասները՝ տեսանյութում։
