02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Հարց վարչապետին՝ իսկ ո՞րն է Ձեր գնահատականը ոստիկանական գործողությունների վերաբերյալ․ Արթուր Սաքունց․ ՏԵՍԱՆՅՈՒԹ
Հասարակություն
22.08.2019 | 13:49
Ոստիկանությունը տարիներ շարունակ նույն մեթոդով է գործել, հետևաբար զարմանալի չէ, որ Իջևանի կամ Ամուլսարի խնդրով կազմակերպված ակցիաների ժամանակ նրանք ցուցաբերեցին ոչ համաչափ գործողություններ։ Նշեմ, որ ոստիկանները նման անհամաչափ գործողությունների են դիմում նաև առանձին դեպքերում՝ անկախ այս կամ թեմաներով ակցիաներից. այս մասին այսօր «Պայքար հանուն Ամուլսարի. գնահատականներ Ոստիկանության գործողություններին» թեմայով քննարկման ժամանակ ասաց ՀՔԱ Վանաձորի գրասենյակի ղեկավար Արթուր Սաքունցը՝ շեշտելով, որ թավշյա հեղափոխությունից հետո Ոստիկանությունը շարունակում է մնալ նույնը։
«Առավել մտահոգիչ է նաև այն հանգամանքը, որ Ազգային ժողովի այգու տարածքը, որը բացվել էր, հիմա փակվում է․ սա խոսում է այն մասին, որ մեզ մոտ ինստիտուցիոնալացում չկա, և Ոստիկանությունը ցանկացած պահի քաղաքացիների համար կարող է տարածքներ փակել կամ ընտրողաբար թույլ տալ՝ կապված քաղաքական իշխանության վերաբերմունքից»,- ասաց ՀՔԱ Վանաձորի գրասենյակի ղեկավարը՝ անձամբ վարչապետին հարց ուղղելով. «Ես կուզեի հրապարակայնորեն հարցեր ուղղել անձամբ վարչապետին․ օրինակ՝ ինչպիսին է իր գնահատականը, վերաբերմունքը Ոստիկանության գործողություններին։ Մենք առայժմ հստակ գնահատականներ չենք ստացել»:
Սաքունցն ընդգծեց, որ կա քաղաքական հստակ գնահատականի կարիք, իսկ այդ գնահատականի պատասխանատուն հենց վարչապետն է։
Մանրամասները՝ տեսանյութում։
